പിറന്നാൾ ദിനത്തിൽ നരേന്ദ്രമോദിയോട് വ്യത്യസ്തമായ ഒരു അഭ്യർത്ഥനയുമായി ഷാരൂഖ്! ഇങ്ങനെ പറയാൻ നിങ്ങൾക്കു മാത്രമേ ധൈര്യം ഉണ്ടാവുകയുള്ളൂ എന്ന് താരത്തോട് പ്രേക്ഷകരും. വൈറലായി ഷാരൂഖിൻ്റെ സന്ദേശം.

ഇന്ത്യൻ പ്രധാനമന്ത്രി നരേന്ദ്രമോദി 72 പിറന്നാൾ ആഘോഷിക്കുകയാണ് ഇന്ന്. സമൂഹത്തിന്റെ വിവിധ മേഖലകളിൽ നിന്ന് നിരവധി വ്യക്തികളാണ് പ്രധാനമന്ത്രിക്ക് ആശംസകളുമായി ഇപ്പോൾ എത്തിക്കൊണ്ടിരിക്കുന്നത്. ട്വിറ്റർ ഇദ്ദേഹത്തിനുള്ള ആശംസകളുമായി നിറയുകയാണ്. ഇതിനിടയിൽ ബോളിവുഡ് താരം ഷാരൂഖാന്റെ ആശംസ ശ്രദ്ധ നേടുകയാണ് ഇപ്പോൾ.

വളരെ വ്യത്യസ്തമായ എന്നാൽ മനോഹരമായ ഒരു ആശംസയാണ് കിംഗ്ഖാൻ പ്രധാനമന്ത്രിക്ക് നൽകിയിരിക്കുന്നത് എന്നാണ് പ്രേക്ഷകരുടെ അഭിപ്രായം. ഒരു ദിവസമെങ്കിലും അവധിയെടുത്ത് പിറന്നാൾ ആഘോഷിക്കു എന്നാണ് ഷാരൂഖ് പ്രധാനമന്ത്രിയോട് അഭ്യർത്ഥിക്കുന്നത്. ഈ രാജ്യത്തിനോടുള്ള താങ്കളുടെ അർപ്പണബോധവും, കഠിനാധ്വാനവും പറഞ്ഞറിയിക്കേണ്ട ആവശ്യമില്ല. താങ്കളുടെ എല്ലാ ലക്ഷ്യങ്ങളും നിറവേറ്റാനുള്ള ആരോഗ്യവും, ശക്തിയും എപ്പോഴും ഉണ്ടാകട്ടെ.

ഒരു ദിവസം അവധിയെടുത്ത് നിങ്ങളുടെ പിറന്നാൾ ആഘോഷമാക്കൂ സാർ. ജന്മദിനാശംസകൾ എന്ന് ഷാരൂഖ് കുറിച്ചു. ഈ ട്വീറ്റ് ഇപ്പോൾ വൈറലാണ്. നിരവധി പ്രേക്ഷകരാണ് ഇത് ഏറ്റെടുക്കുന്നത്. നിരവധി പേർ ഇത് റീട്വീട് ചെയ്യുന്നുമുണ്ട്. വളരെ വ്യത്യസ്തമായ ഒരു ആശംസയാണ് ഷാരൂഖ് നൽകിയിരിക്കുന്നത് എന്ന് പ്രേക്ഷകർ ഒന്നടങ്കം പറയുന്നു.

നിരവധി സിനിമാതാരങ്ങളും, മറ്റു പ്രശസ്ത വ്യക്തികളും ഇദ്ദേഹത്തിന് ആശംസകളും ആയി രംഗത്തെത്തുന്നുണ്ട്. സാമൂഹ്യമാധ്യമങ്ങളിൽ ഇദ്ദേഹത്തിൻറെ ജന്മദിനം ഇപ്പോൾ തരംഗമാണ്. നിരവധി ലോക നേതാക്കൾ അടക്കം ഇദ്ദേഹത്തിന് ആശംസകളുമായി ഇതിനകം എത്തിക്കഴിഞ്ഞിട്ടുണ്ട്.