വേദിക ശീതളിന്റെ വിവാഹം നടത്തിയിട്ടെ ഇനി അടങ്ങു; ആശങ്കയില്‍ കുടുംബവിളക്ക് താരങ്ങള്‍

പ്രേക്ഷകപ്രീതി നേടി മുന്നേറി കൊണ്ടിരിക്കുകയാണ് കുടുംബവിളക്ക്. ഇതിലെ കഥയും കഥാപാത്രവും പ്രേക്ഷക മനസില്‍ സ്ഥാനം പിടിച്ചത് നിമിഷന്നേരം കൊണ്ടാണ്. ഇന്ന് കുടുംബവിളക്കിന് ആരാധകര്‍ ഏറെയാണ്. ഏറെ നാളത്തെ പ്രണയത്തിന് ശേഷം സിദ്ധാര്‍ത്ഥ് വേദികയെ സ്വന്തമാക്കിയത് പ്രേക്ഷകര്‍ കണ്ടതാണ്. സ്വന്തം വീട്ടുക്കാരെ വേണ്ടെന്ന് വെച്ചാണ് സിദ്ധാര്‍ത്ഥ് വേദികയെ വിവാഹം കഴിച്ചത്. തന്റെ കുടുംബത്തില്‍ നിന്നും കുറച്ചുപേര്‍ മാത്രമേ ഈ ബന്ധത്തിന് സപ്പോര്‍ട്ടുള്ളു, ബാക്കിയുള്ള മറ്റ് അംഗങ്ങള്‍ താന്‍ ചെയ്തത് തെറ്റാണെന്ന് വാദിച്ചുകൊണ്ടിരിക്കുകയാണ്.

താന്‍ ചെയ്ത തെറ്റ് സിദ്ധു വൈകാതെ തന്നെ തിരിച്ചറിയും എന്നതില്‍ സംശയം ഇല്ല. ഇതിനുള്ള സൂചന ഇപ്പോള്‍ തന്നെ കാണുന്നുണ്ട്. വേദിക ഒരിക്കലും തനിക്ക് ചേര്‍ന്ന ഭാര്യയല്ലെന്ന് ഇതിനോടകം തന്നെ തെളിഞ്ഞു, എന്നാല്‍ ഇപ്പോഴും സിദ്ധു അവിടെ പിടിച്ച് നില്‍ക്കുകയാണ്. ഇടക്കൊക്കെ തന്റെ ആദ്യ ഭാര്യ സുമിത്രയെക്കുറിച്ചും സിദ്ധു ഓര്‍ക്കാറുണ്ട്. പല കാര്യങ്ങള്‍ വേദിക കാട്ടികൂട്ടുമ്പോള്‍ , അതെല്ലാം എത്ര വൃത്തിയോടെയായിരുന്നു സുമിത്ര ചെയ്തതെന്ന് സിദ്ധു ചിന്തിച്ചു പോവാറുണ്ട്.

ഇപ്പോള്‍ ശീതളിനെ കൂടി വിവാഹം കഴിപ്പിക്കാനുള്ള പുറപ്പാടിലാണ് വേദിക, ജിതിന്‍ ശീതളിന്റെ പുറകെ നടക്കാന്‍ തുടങ്ങിയിട്ട് കുറെ കാലമായി, എന്നാല്‍ തനിക്ക് അങ്ങനെ ഒരു ഇഷ്ടം ഇല്ലെന്ന് ശീതള്‍ നേരത്തെ തന്നെ വ്യക്തമാക്കിയതാണ്. ഇപ്പോഴും ഇവിടെ ജിതിന്‍ ആരെന്നത് വ്യക്തമാവുന്നില്ല. ജിതിന്റെ വീട്ടുക്കാര്‍ ശീതളിനെ മകനു വേണ്ടി ആലോചിച്ച് വന്നിരുന്നു.

ഈ വിവാഹ നടത്താന്‍ വേദിക നന്നായി ശ്രമിക്കുന്നുണ്ട്. ഇപ്പോള്‍ ഈ കാര്യത്തില്‍ വീട്ടിലെ മറ്റുപേരും ആശംങ്കയിലാണ്. എല്ലാവരും ചേര്‍ന്ന് സുമിത്രയുടെ ജീവിതം നശിപ്പിച്ചത് പോലെ ശീതളിന്റെയും ജീവിതം നശിപ്പിക്കുമോ എന്നാണ് പ്രേക്ഷകര്‍ ഉറ്റു നോക്കുന്നത്. ശീതള്‍ ഇപ്പോള്‍ ശരിക്കും പെട്ടുകിടക്കുകയാണ്. വേദിക ശീതളിന്റെ പുറകെ തന്നെ ഉണ്ട്, വിവാഹ കാര്യം പറഞ്ഞ്.