അങ്ങനെ കാത്തിരിപ്പിനൊടുവില്‍ ശിവനും അഞ്ജലിയും ഒന്നിക്കുന്നു

ശിവാഞ്ജലി ജോഡികളുടെ സ്‌നേഹവും പിണക്കവും കാണാന്‍ ആരാധകര്‍ ഏറെയാണ്. നാളുകള്‍ക്ക് ശേഷം സ്‌ക്രീനില്‍ എത്തിയ സാന്ത്വനം , പഴയതിനെക്കാള്‍ ത്രില്ലടിപ്പിച്ചുകൊണ്ടാണ് തിരിച്ചുവരവ് നടത്തിയത്.
ഇപ്പോള്‍ ഉള്ളിലെ സ്‌നേഹം പുറത്തു കാണിക്കാനും തുടങ്ങി ശിവനും അഞ്ജലിയും. ഇവര്‍ക്കിടെയുള്ള പിണക്കവും ദേശ്യവുമെല്ലാം കുറഞ്ഞ് ഇപ്പോള്‍ സ്‌നേഹത്തിന്റെ പാതയിലേക്ക് എത്തിയിരിക്കുകയാണ്.

ഇവരുടെ ഈ സ്‌നേഹം കണ്ട് സാന്ത്വനം വീട്ടുക്കാരും വലിയ സന്തോഷത്തിലാണ്. ഒരിക്കലും ചേരില്ലെന്ന് കരുതിയ രണ്ട് പേര്‍ ഇപ്പോള്‍ വേര്‍പിരിയാന്‍ ആവാത്ത വിധത്തില്‍ അടുത്ത സന്തോഷം പറഞ്ഞറിയിക്കാന്‍ പറ്റില്ല.

ഇപ്പോള്‍ പുറത്തുവന്ന വീഡിയോയില്‍ ശിവന്‍ അഞ്ജലിക്കു മുല്ലപ്പൂവ് ചൂടി കൊടുക്കുന്നത് കാണാം. ഇതിനിടെ രണ്ട് പേരും മേശക്കരകില്‍ നിന്നും കണ്ണും കണ്ണ് നോക്കി നില്‍ക്കുന്നതും പിന്നാലെ അഞ്ജലി ശിവന് സാമ്പാര്‍ വിളമ്പികൊടുക്കുന്നതും കാണാം. എന്നാല്‍ ശിവന്റെ പ്ലേറ്റില്‍ നിന്നും സാമ്പാര്‍ നിറഞ്ഞ് കവിഴുമ്പോഴും രണ്ട് പേരും ഇത് അറിയുന്നില്ല. ഒടുവില്‍ ഇവിടെ എത്തിയ ശ്രീദേവിയും അപ്പുവും ഇത് കണ്ട് അന്തംവിട്ട് നോക്കി നില്‍ക്കുന്നുണ്ട്.

അതേസമയം പ്രേക്ഷകരുടെ നിറഞ്ഞ കൈയ്യടി നേടി ആരാധക ഹൃദയത്തില്‍ സ്ഥാനം പിടിക്കാന്‍ സാന്ത്വനത്തിന് അധിക സമയം വേണ്ടി വന്നില്ല. ഇന്ന് സാന്ത്വനം ഫാന്‍സ് ആണ് നമ്മുക്ക് ചുറ്റും. സിനിമയെ പോലും വെല്ലുന്ന രംഗളിലൂടെയാണ് പരമ്പര മുന്നേറി കൊണ്ടിരിക്കുകയാണ്. മികച്ച പ്രതികരണം ആണ് സീരിയലിന് ലഭിക്കുന്നത്. ഇതില്‍ എല്ലാ കഥാപാത്രങ്ങള്‍ക്കും തുല്യ പ്രാധാന്യം ആണ് നല്‍കുന്നത്.