സാമന്തയും നാഗചൈതന്യയും താമസിക്കുന്നത് രണ്ടു വീടുകളിൽ, നാഗാർജുന ശ്രമിച്ചിട്ടും പ്രശ്നങ്ങൾ തീരുന്നില്ല – സാമന്ത ഡിവോഴ്സിന് ഒരുങ്ങുന്നു എന്ന വാർത്തകൾ ശക്തിപ്പെടുത്തി കൊണ്ട് അഭ്യൂഹങ്ങൾ

കുറച്ച് ആഴ്ചകൾക്ക് മുമ്പ് ആയിരുന്നു സാമന്തയും നാഗചൈതന്യയും തമ്മിൽ വേർപിരിയാൻ പോവുകയാണ് എന്ന വാർത്തകൾ പുറത്തുവന്നത്. നടിമാരെ സംബന്ധിച്ച് ഇത്തരത്തിലുള്ള വാർത്തകൾ പുറത്തുവരുന്നത് വളരെ സ്വാഭാവികമാണ്. എന്നാൽ ഈ വാർത്തയ്ക്ക് കുറച്ചുകൂടി വിശ്വസനീയത ഉണ്ടായിരുന്നു. ഇതിനു കാരണം ഇൻസ്റ്റഗ്രാമിൽ വളരെ സജീവമായ സാമന്ത വരുത്തിയ ചില മാറ്റങ്ങളാണ്. സാമന്ത രുത് പ്രഭു എന്നായിരുന്നു നടിയുടെ ശരിയായ പേര്. വിവാഹശേഷം ഇത് സാമന്ത അക്കിനേനി എന്നാക്കി മാറ്റുകയും ചെയ്തു.

പിന്നീട് ഇൻസ്റ്റഗ്രാമിൽ നിന്നും സാമന്ത അക്കിനേനി എന്ന പേര് മാറ്റി പഴയതുപോലെ ആക്കുകയും ചെയ്തു. യൂസർ നെയിം അടക്കം താരം മാറ്റുകയും ചെയ്തു. എസ് എന്ന അക്ഷരം മാത്രമാണ് ഇപ്പോൾ യൂസർ നെയിം. ഈ സംഭവത്തിനു ശേഷമാണ് സാമന്തയും നാഗചൈതന്യയും തമ്മിൽ വേർപിരിയാൻ പോവുകയാണ് എന്ന അഭ്യൂഹങ്ങൾ പുറത്തുവന്നത്. കുറേ കാലമായി ഭർത്താവ് നാഗചൈതന്യയുടെ ചിത്രങ്ങൾ ഒന്നും തന്നെ സാമന്ത സമൂഹ മാധ്യമങ്ങളിൽ പങ്കു വെച്ചിട്ടില്ല എന്നതും ശ്രദ്ധേയമാണ്. ഇതെല്ലാം തന്നെ സംശയങ്ങൾ ബലപ്പെടുത്തി.

പിന്നീട് ഒരു വിധത്തിലായിരുന്നു അഭ്യൂഹങ്ങൾ കെട്ടടങ്ങിയത്. ഇപ്പോൾ വേറെ കുറച്ച് അഭ്യൂഹങ്ങളാണ് പുറത്തുവരുന്നത്. സാമന്തയും നാഗചൈതന്യയും ഇപ്പോൾ വേറെ വേറെ വീടുകളിലാണ് താമസിക്കുന്നത് എന്നാണ് റിപ്പോർട്ടുകൾ. നടിക്ക് സ്വന്തമായി ഹൈദരാബാദിൽ വീടുണ്ട്. നാഗചൈതന്യ പിതാവിൻറെ വീട്ടിലേക്ക് മാറി എന്നാണ് റിപ്പോർട്ടുകൾ. ഇരുവരെയും തമ്മിൽ ഒന്നിപ്പിക്കാൻ നാഗചൈതന്യയുടെ പിതാവ് നാഗാർജുന പരമാവധി ശ്രമിച്ചെങ്കിലും നടന്നില്ല എന്നും റിപ്പോർട്ടുകൾ ഉണ്ട്.

ഈ വിഷയത്തിൽ ഇതുവരെ സാമന്തയും നാഗചൈതന്യയും പ്രതികരിച്ചിട്ടില്ല. എന്നാൽ ഇവർ തമ്മിൽ പ്രശ്നങ്ങൾ ഒന്നും ഇല്ല എന്നാണ് വേറെ ചില ആളുകൾ പറയുന്നത്. ഇരുവരും ഇപ്പോൾ ഗോവയിൽ സ്വന്തമായി ഒരു സ്ഥലം വാങ്ങി ഇരിക്കുകയാണ്. ഇവിടെ ഒരു ഫാം ഹൗസ് പണിയുകയാണ് വിവരം. എന്നിട്ട് ഇങ്ങോട്ട് താമസം മാറ്റുവാൻ ആണ് പ്ലാൻ എന്നാണ് പറയപ്പെടുന്നത്. അതുകൊണ്ടുതന്നെ ഇവർ തമ്മിൽ വേർപിരിയാൻ പോവുകയാണ് എന്ന വാർത്തകളെല്ലാം തന്നെ അടിസ്ഥാന രഹിതമാണെന്ന് എന്നാണ് ഒരു വിഭാഗം ആളുകൾ അവകാശപ്പെടുന്നത്.