സാജൻ ബേക്കറി എന്തൊരു ദുരന്തം പടമാണെന്ന് കമൻ്റ്, തേച്ചൊട്ടിച്ച് അജു വർഗീസ്, നൽകിയ മറുപടി കണ്ടോ?

ചില ചിത്രങ്ങൾ റിലീസ് ചെയ്യുന്നതിനു മുൻപേ തന്നെ നെഗറ്റീവ് പബ്ലിസിറ്റി കൊടുക്കുന്നവർ സാമൂഹ്യ മാധ്യമങ്ങളിൽ വിലസുന്നുണ്ട്. പ്രത്യേകിച്ച് ഒരു കാരണവുമില്ലാതെ തന്നെ ചില ചിത്രങ്ങൾ മോശമാണെന്ന് റിലീസ് ചെയ്യുന്നതിനു മുൻപേ ഇക്കൂട്ടർ വരുത്തിത്തീർക്കും. ഇങ്ങനെ ഒരു വിരുതനെ സാമൂഹ്യ മാധ്യമത്തിൽ തേച്ചൊട്ടിച്ചിരിക്കുകയാണ് നടൻ അജു വർഗീസ്. എന്തായാലും കമൻറ് സിനിമാ പ്രേമികൾ ഏറ്റെടുത്തു കഴിഞ്ഞു.

സാജൻ ബേക്കറി സിൻസ് 1962 അജു വർഗീസ് നായകനായ പുതിയ സിനിമയാണ്. ഫെബ്രുവരി 12നാണ് ഈ സിനിമ തിയറ്ററുകളിലെത്തുന്നത്. പക്ഷേ ചിത്രം റിലീസ് ആകുന്നതിനു മുൻപേ തന്നെ നെഗറ്റീവ് പബ്ലിസിറ്റി നൽകിയ ഒരാളെയാണ് അജു വർഗീസ് കയ്യോടെ പൊക്കിയത്. കമൻ്റിൻ്റെ സ്ക്രീൻഷോട്ട് അടക്കം താരം സോഷ്യൽ മീഡിയയിൽ പങ്കുവെക്കുകയുണ്ടായി.

എന്ത് ഊള പടം ആണ് മിസ്റ്റർ ഇത് ഇതുപോലെ ഒരു ദുരന്തം പടം ഇനി വരാനില്ല, ഞാൻ ഈ പടം കാണാൻ പോയി എൻറെ പൈസ പോയി. അതുകൊണ്ട് നിങ്ങൾ തന്നെ പൈസ എനിക്ക് തിരിച്ചു തരണം എന്നായിരുന്നു കമൻറ്. അജുവിൻറെ മറുപടി ഇങ്ങനെയായിരുന്നു. വളരെ മികച്ച ഒരു ഇത്, ഇറങ്ങുന്നതിനു മുൻപേ തന്നെ. വലിയ തോതിലുള്ള ചർച്ചകളാണ് ഈ പോസ്റ്റിന് പിന്നാലെ സോഷ്യൽ മീഡിയയിൽ നടക്കുന്നത്. ചിത്രം തീയേറ്ററുകളിൽ എത്തിക്കുന്നതിനു മുന്നോടിയായി താരമിപ്പോൾ പ്രമോഷൻ പരിപാടികളുടെ തിരക്കിലാണ്.

സാജൻ ബേക്കറിയുടെ സംവിധാനം നിർവഹിച്ചിരിക്കുന്നത് അരുൺ ചന്തുവാണ്. സച്ചിൻ ആർ ചന്ദ്രനും അജു വർഗീസും ചേർന്നാണ് തിരക്കഥ. എം സ്റ്റാർ എൻറർടൈമെൻറ്യുമായി ചേർന്ന് ഫണ്ട് കാസ്റ്റിക് ഫിലിംസ് എന്ന ബാനറിൽ ധ്യാൻ ശ്രീനിവാസനും വിശാഖ് സുബ്രഹ്മണ്യവും ചേർന്നാണ് സിനിമ നിർമ്മിച്ചിരിക്കുന്നത്. റാന്നിയിലെ ഒരു ബേക്കറിയും അതിൻറെ നടത്തിപ്പുകാരും അവരുടെ ജീവിതവും ഒക്കെ പ്രമേയമാക്കിയുള്ളതാണ് സിനിമ.