എപ്പോഴും ഹൃദയത്തില്‍ നിന്നും ഹൃദയത്തിലേക്ക് ; പുതിയ ചിത്രവുമായി മീനാക്ഷി

സിനിമാ നടി അവതാരക എന്നീ മേഘലകളില്‍ ചുരുങ്ങിയ സമയം കൊണ്ട് കഴിവ് തെളിയിച്ച താരമാണ് മീനാക്ഷി. വളരെ കുറച്ച് സിനിമകളിലെ അഭിനയിച്ചിട്ടുള്ളുവെങ്കിലും അതെല്ലാം മലയാളത്തിന്റെ സൂപ്പര്‍താരങ്ങളുടെ ഒപ്പമായിരുന്നു. അഭിനയിച്ച ചിത്രങ്ങളെല്ലാം ഹിറ്റാക്കി എന്നതാണ് മറ്റൊരു കാര്യം. സോഷ്യല്‍ മീഡിയയലും സജീവമായ നടി ഇപ്പോള്‍ പങ്കുവെച്ച ചിത്രമാണ് തരംഗമാവുന്നത്.

എപ്പോഴും ഹൃദയത്തില്‍ നിന്നും ഹൃദയത്തിലേക്ക് എന്ന ക്യാപ്ഷനിലൂടെയാണ് അഖിലിനൊപ്പമുള്ള ചിത്രം താരം പങ്ക് വച്ചത്. സിസ്റ്റര്‍ ബ്രദര്‍ ലവ് എന്ന ടാഗ് ലൈനിലൂടെയാണ് മീനാക്ഷി ചിത്രം പങ്ക് വച്ചത്. ക്യാപ്ഷന്‍ ഒക്കെ കൊള്ളാം .. നേരിട്ട് അടിയും എന്നാണ് അഖില്‍ മറുപടിയായി താരത്തോട് ചോദിക്കുന്നത്. അതേസമയം മീനാക്ഷി ഒന്നും കൂടെ സുന്ദരിയായിട്ടുണ്ട് എന്നടക്കമുള്ള കമന്റും വരുന്നുണ്ട്.

മീനാക്ഷി അഭിനയിച്ച ഒപ്പം എന്ന ചിത്രത്തിലെ മിനുങ്ങും മിന്നാമിനുങ്ങേ മിന്നി മിന്നി തേടുന്നതാരെ, എന്ന പാട്ടില്‍ മീനാക്ഷിയാണ് സ്‌ക്രീനില്‍ വരുന്നത്. മോഹന്‍ലാല്‍ ആയിരുന്നു ചിത്രത്തിലെ പ്രധാന വേഷം ചെയ്തത്. ഈ പാട്ട് ആലപിച്ച ശ്രേയക്കുട്ടിയും മീനാക്ഷിയും പിന്നീട് നല്ല സുഹൃത്തുക്കളും ആയിരുന്നു. ഇവര്‍ ഒന്നിച്ച് യൂട്യൂബ് ചാനലും തുടങ്ങിയിരുന്നു. കൂടാതെ താരങ്ങള്‍ ഒന്നിച്ചുള്ള ചിത്രവും സോഷ്യല്‍ മീഡിയയില്‍ വൈറലാവാറുണ്ട്.

കോവിഡ് കാലത്ത് ഷൂട്ടിങ് തിരക്കുകളില്‍ നിന്നും ഒഴിഞ്ഞ് കോട്ടയം ജില്ലയിലെ പാദുവയിലുള്ള വീട്ടിലായിരുന്നു മീനാക്ഷി. ഇവിടെ നിന്നും ചില കൃഷി പണികളും താരം തുടങ്ങിയിരുന്നു. കുട്ടിതാരത്തിന്റെ അച്ഛനാണ് ലോക് ഡൗണ്‍ കൃഷിക്ക് നേതൃത്വം നല്‍കിയിരുന്നത്. വീടിന്റെ ടെറസിലും മുറ്റത്തുമായി വലിയൊരു പച്ചക്കറിത്തോട്ടമായിരുന്നു താരം കുടുംബസമ്മേതം ഒരുക്കിയത്. വിളവെടുപ്പിന്റെ ചിത്രവും താരം സോഷ്യല്‍ മീഡിയ വഴി പങ്കുവെച്ചിരുന്നു.