ഞാന്‍ അഭിനയിക്കുക മാത്രമേയുള്ളൂ എന്നില്ല. അങ്ങനെയുള്ള കാര്യങ്ങള്‍ ചെയ്യാനും മടിയില്ല. നിങ്ങളൊരു നടിയല്ലേ, ഇങ്ങനെയൊക്കെ ചെയ്യാവോ എന്ന് ചോദിക്കുന്നവര്‍ക്ക് താരത്തിന്റെ മറുപടി

മലയാളികൾക്ക് സുപരിചിതമാണ് സാധിക വേണുഗോപാൽ.സോഷ്യൽ മീഡിയയിലും താരം സജീവമാണ്.തരത്തിന്റെ ഏറ്റവും പുതിയ അഭിമുഖമാണ് ഇപ്പോൾ ശ്രദ്ധേയമാവുന്നത്.അച്ഛനും അമ്മയും സിനിമാ പാരമ്പര്യം ഉള്ളവരാണ്. അതുകൊണ്ട് തന്നെ അഭിനയത്തിലേക്ക് വരാന്‍ എനിക്ക് താത്പര്യമുണ്ടായിരുന്നില്ല. ഫോട്ടോഷൂട്ടുകളോടായിരുന്നു എനിക്കിഷ്ടം. നന്നായി ഒരുങ്ങി ഫോട്ടോയ്ക്ക് പോസ് ചെയ്യാന്‍ എനിക്ക് ഭയങ്കര ഇഷ്ടമാണ്. അതുകൊണ്ട് എന്റെ കൂട്ടുകാരികള്‍ പറയും, ഫോട്ടോ എടുക്കാന്‍ വേണ്ടി മാത്രം ജനിച്ച് ‘ഫോട്ടോജനിക്ക്’ ആണ് ഇവള്‍ എന്ന്. അതിലൂടെ അവസരം വന്നപ്പോള്‍ അഭിനയത്തിലേക്കും ഇറങ്ങി.

ഇപ്പോഴും ഷോക്കേസ് ചെയ്യാനുള്ള ഒരവസരവും ഞാന്‍ കുറയ്ക്കാറില്ല. അഭിനയത്തിന് പുറമെ ഒരു ജ്വല്ലറിയില്‍ ഷോ ഗേളായി നില്‍ക്കുന്നുണ്ട്. രാവിലെ മുതല്‍ വൈകുന്നേരം വരെ ആഭരണങ്ങള്‍ എല്ലാം ധരിച്ച് ഷോപ്പിന്റെ മുന്നില്‍ നില്‍ക്കും. പ്രത്യേകിച്ച് പണിയൊന്നും ഇല്ല, അതുവവി അങ്ങനെ നടക്കും. നിങ്ങളൊരു ആര്‍ട്ടിസ്റ്റ് അല്ലേ, ഇതൊക്കെ ചെയ്യുമോ എന്ന് ചിലര്‍ ചോദിക്കാറുണ്ട്. ‘എനിക്കിത് ഇഷ്ടമാണ് ചേട്ടാ’ എന്ന് ഞാന്‍ പറയും. അത്രയേ ഉള്ളൂ, എനിക്കിഷ്ടമാണ്, അതുകൊണ്ട് ചെയ്യുന്നു.

ആര്‍ട്ടിസ്റ്റ് ആയതുകൊണ്ട് ഞാന്‍ അഭിനയിക്കുക മാത്രമേയുള്ളൂ എന്നില്ല. അങ്ങനെയുള്ള കാര്യങ്ങള്‍ ചെയ്യാനും മടിയില്ല. അതുകൊണ്ട് അവസരം ഇല്ലാതെയായാല്‍ ഒന്നും വിഷമമില്ല. എങ്ങനെയെങ്കിലും മുന്നോട്ടു പോകും എന്നെനിക്ക് അറിയാം