ആരതിയെ എനിക്ക് ഇഷ്ടമുണ്ടെങ്കില്‍ പ്രശ്‌നമുണ്ടോ; ഒടുവില്‍ അതും വെളിപ്പെടുത്തി റോബിന്‍

ആരാധകര്‍ ഏറെയുള്ള റിയാലിറ്റി ഷോയാണ് ബിഗ് ബോസ്. മലയാളം ബിഗ് ബോസ് ഫോര്‍ ഏറെ ചര്‍ച്ച ചെയ്യപ്പെട്ടിരുന്നു. ഇതില്‍ പ്രധാനമായിരുന്നു റോബിന്‍ എന്ന മത്സരാര്‍ത്ഥി. മലയാളം ബിഗ്ബോസ് സീസണ്‍ ഫേറില്‍ മത്സരിക്കാന്‍ എത്തിയതോടെയാണ് റോബിന്‍ എന്ന വ്യക്തിയെ കുറിച്ച് പ്രേക്ഷകര്‍ കൂടുതല്‍ അറിഞ്ഞത്. പിന്നീട് ഒരു സിനിമ നടന് കിട്ടുന്നത് പോലെയുള്ള പിന്തുണയും സപ്പോര്‍ട്ടും എല്ലാം ഈ താരത്തിനും ലഭിച്ചുതുടങ്ങി. റോബിന്‍ പുറത്തുവന്നപ്പോഴാണ് ഈ താരത്തിന് എത്രത്തോളം ആരാധകരുണ്ടായിരുന്നു എന്ന് മനസ്സിലായത് .

ഇപ്പോള്‍ ഒരു യുട്യൂബ് ചാനലിന് നല്‍കിയ അഭിമുഖത്തില്‍ തന്റെ പുതിയ വിശേഷങ്ങള്‍ പങ്കുവെച്ചിരിക്കുകയാണ് റോബിന്‍ രാധാകൃഷ്ണന്‍. ‘ഓരോ സെക്കന്റും ഹാര്‍ഡ് വര്‍ക്ക് ചെയ്യുന്ന വ്യക്തിയാണ് താനെന്ന് റോബിന്‍ പറഞ്ഞു.

എനിക്ക് പോസിറ്റീവും നെഗറ്റീവുമുണ്ട്.’ ‘എനിക്ക് സെലിബ്രിറ്റിയെന്ന് വിളിക്കുന്നത് കേള്‍ക്കുമ്പോള്‍ ഒരു ചമ്മലാണ്. എനിക്കുള്ള ആഗ്രഹങ്ങളും സ്വപ്നങ്ങളും അച്ചീവ് ചെയ്യാനുള്ള ശ്രമത്തിലാണ് ഞാന്‍. എവിടെ വീണാലും ഞാന്‍ അടുത്ത കാലെടുത്ത് വെക്കും.’ ‘അവിടെ തന്നെ കിടക്കില്ല. സെല്‍ഫ് പ്രമോഷന്‍ എപ്പോഴും വേണം. തൊണ്ണൂറ് നല്ലകാര്യമുണ്ടെങ്കില്‍ അത് ആരും എടുക്കില്ല. ബാക്കി പത്ത് ശതമാനമുള്ള നെഗറ്റീവ് മാത്രമെ എടുക്കാറുള്ളു. നെഗറ്റീവ് അടിക്കാനാണ് പലരും ശ്രമിക്കുന്നത് റോബിന്‍ പറഞ്ഞു.

ആരതിയെ കുറിച്ച് ചോദിച്ചപ്പോള്‍ റോബിന്‍ പറഞ്ഞത് ഇങ്ങനെ.. ആരതിയെ എനിക്ക് ഇഷ്ടമുണ്ടെങ്കില്‍ പ്രശ്‌നമുണ്ടോ? അതിന്റെ പേരില്‍ വേറൊരു അനാവശ്യ ചര്‍ച്ചയുടെ ആവശ്യമില്ല. അന്ന് ആരതിക്കൊപ്പം നടന്ന ഇന്റര്‍വ്യു ഒരു ചിറ്റ് ചാറ്റായിരുന്നു. വിവാദപരമായി ഒന്നും ഉണ്ടായിരുന്നില്ല താരം പറഞ്ഞു.