റിമിക്കൊപ്പം ഉള്ള ചിത്രം പങ്കുവെച്ച് മുക്ത, ഒപ്പം ഒരു കുഞ്ഞു വിശേഷവും

ടെലിവിഷനിലും സാമൂഹ്യ മാധ്യമങ്ങളിലും ഒരേ പോലെ സജീവമായ താരമാണ് റിമി ടോമി. തൻറെ വാചക കസർത്തും കോമഡികളും കൊണ്ട് മലയാളികൾക്കിടയിൽ വലിയൊരു കൂട്ടം ആരാധകരെ താരം സൃഷ്ടിച്ച് എടുത്തിട്ടുണ്ട്. താരത്തിൻറെ ഇൻസ്റ്റ, യൂട്യൂബ് ചാനൽ എന്നിവയ്ക്ക് വലിയ തോതിലുള്ള ആരാധക വൃന്ദത്തിൻ്റെ പിന്തുണയുണ്ട്. വളരെ മികച്ച പ്രതികരണങ്ങളാണ് താരത്തിൻ്റേ മിക്ക പോസ്റ്റുകൾക്കും സ്ഥിരമായി ലഭിക്കാറുള്ളത്.

റിമിയുടെ സഹോദര പത്നിയാണ് മുക്ത. ഒരു സമയത്ത് മലയാളി പ്രേക്ഷകരുടെ പ്രിയ നടി ആയിരുന്നു താരം. തെന്നിന്ത്യൻ സിനിമകളിൽ ആകെ സജീവ സാന്നിധ്യമായിരുന്നു മുക്ത. ഇടയ്ക്കു വെച്ച് അഭിനയത്തിന് താരം ഒരു ഇടവേള കൊടുത്തു. ഇപ്പോൾ കൂടത്തായി എന്ന എന്ന പരമ്പരയിലൂടെ തിരിച്ചു വരവ് നടത്തിയിരിക്കുകയാണ് മുക്ത. ഇതു വരെ ചെയ്യാത്തതായ ഒരു ശക്തമായ കഥാപാത്രത്തെയാണ് മുക്ത ഈ പരമ്പരയിൽ അവതരിപ്പിക്കുന്നത്. റിങ്കു ടോമി എന്നാണ് മുക്തയുടെ ഭർത്താവിൻറെ പേര്.

2015ൽ ആയിരുന്നു ഇരുവരും തമ്മിലുള്ള വിവാഹം. 2016 ഇരുവർക്കും ഒരു കുഞ്ഞു പിറന്നു. അതിനു ശേഷം തൻറെ പൂർണ ശ്രദ്ധ കുടുംബ ജീവിതത്തിലേക്ക് മാറ്റി ഇരിക്കുകയായിരുന്നു മുക്ത. ഇപ്പോഴിതാ താരം പങ്കു വെച്ച് പുതിയൊരു ചിത്രമാണ് സാമൂഹ്യ മാധ്യമങ്ങളിൽ ചർച്ചാ വിഷയമാകുന്നത്.

തൻറെ നാത്തൂനൊത്തുള്ള ഒരു പുതിയ ചിത്രമാണ് മുക്ത പങ്കു വച്ചിരിക്കുന്നത്. വ്യത്യസ്തമായ ഒരു ക്യാപ്ഷൻ ആണ് ചിത്രത്തിന് താരം നൽകിയിരിക്കുന്നത്. ഈ ഒരു ക്യാപ്ഷൻ തന്നെയാണ് ചിത്രത്തിൻ്റെ പ്രസക്തി വിളിച്ചോതുന്നത്. പ്രിയ നാത്തൂൻ, എനിക്ക് മനസ്സ് തുറന്നു സംസാരിക്കാൻ കഴിയുന്ന എന്നെ മനസ്സിലാക്കുന്ന നാത്തൂൻ. എന്നാണ് ചിത്രത്തിൻ്റെ ക്യാപ്ഷൻ. നിരവധി പേരാണ് ആണ് നാത്തൂൻമാരുടെ ബന്ധത്തെക്കുറിച്ച് കമൻറ്മായി എത്തിയിരിക്കുന്നത്.