ബിഗ് ബോസിൽ പോയി ഇപ്പോൾ ഉള്ള ചാൻസ് കളയാൻ മണ്ടിയല്ല ഞാൻ – രഞ്ജു രഞ്ജിമാർ

ലോകത്തിലെ തന്നെ ഏറ്റവും ജനപ്രിയ ടെലിവിഷൻ പരിപാടികളിൽ ഒന്നാണ് ബിഗ് ബോസ്. സൽമാൻ ഖാൻ അവതരിപ്പിക്കുന്ന ഹിന്ദി പതിപ്പ് ഇതിനോടകം 14 സീസണുകൾ പിന്നിട്ടുകഴിഞ്ഞു. സണ്ണിലിയോൺ അടക്കമുള്ള താരങ്ങൾ ഇന്ത്യയിൽ ഉയർന്നുവരുന്നത് ഈ പരിപാടിയുടെ ആണ്. തമിഴ് പതിപ്പ് അവതരിപ്പിക്കുന്നതിനു സാക്ഷാൽ ഉലകനായകൻ കമലഹാസനാണ്.

തമിഴ് പതിപ്പ് ഇതിനോടകം നാലാം സീസൺ അവസാനിക്കാൻ പോവുകയാണ്. നാലാം സീസണിലെ വിജയ് ആയിരിക്കും എന്നത് രണ്ടാഴ്ചയ്ക്കുള്ളിൽ അറിയാം. അതേസമയം മലയാളത്തിൽ ഇതുവരെ രണ്ട് സീസണുകൾ മാത്രമാണ് പിന്നിട്ടത്. മോഹൻലാൽ തന്നെയാണ് രണ്ട് സീസണുകളിലും അവതാരകയായി എത്തിയത്. മൂന്നാം സീസൺ ഏഷ്യാനെറ്റ് ഔദ്യോഗികമായി പ്രഖ്യാപിച്ചു കഴിഞ്ഞു. നടൻ ടോവിനോ തോമസ് ആയിരുന്നു മൂന്നാം സീസൺ പ്രഖ്യാപിച്ചത്.

മോഹൻലാൽ തന്നെ മൂന്നാം പതിപ്പിലും അവതാരകനായി എത്തും എന്നാണ് ഇപ്പോൾ ലഭിക്കുന്ന റിപ്പോർട്ടുകൾ. എന്നാൽ ആരൊക്കെ ആയിരിക്കും ഈ പതിപ്പിലെ മത്സരാർത്ഥികൾ എന്നതിനെ സംബന്ധിച്ച് ഇതുവരെ ഔദ്യോഗിക സ്വീകരണങ്ങൾ ഒന്നും തന്നെ ലഭിച്ചിട്ടില്ല. നിരവധി ആളുകളുടെ പേരുകളാണ് സമൂഹമാധ്യമങ്ങളിൽ പറഞ്ഞുകേൾക്കുന്നത്. അതിൽ ഒരു പേരാണ് രഞ്ജു രഞ്ജിമാർ.

എന്നാൽ താൻ ബിഗ്ബോസിൽ പങ്കെടുക്കില്ല എന്ന് താരം ഉറപ്പിച്ചു പറഞ്ഞിരിക്കുകയാണ്. ജീവിതത്തിൽ ഏറ്റവുമധികം കാത്തിരുന്ന ഒരു നിമിഷത്തിൽ കൂടെ ആണ് താൻ ഇപ്പോൾ കടന്നുപോകുന്നത് എന്നും ബിഗ് ബോസിൽ പങ്കെടുത്ത് ഈ അവസരം നഷ്ടപ്പെടുത്താൻ തനിക്ക് സാധിക്കില്ല എന്നും താരം കൂട്ടിച്ചേർത്തു. രഞ്ജു രഞ്ജിമാർ മലയാളത്തിലെ ആദ്യ ട്രാൻസ്ജെൻഡർ ഡയറക്ടർ ആകാൻ പോവുകയാണ്. അതുകൊണ്ടാണ് ബിഗ്ബോസിൽ പങ്കെടുക്കാൻ തനിക്ക് താല്പര്യം ഇല്ലാത്തത് എന്നും രഞ്ജു കൂട്ടിച്ചേർത്തു.