ജീവിതത്തിൽ ഇത്രയും പേടിച്ച ഒരു അവസ്ഥ ഇതുവരെ ഉണ്ടായിട്ടില്ല ! തന്റെ സാഹസിക യാത്രയെ കുറിച്ച് രഞ്ജിനി ജോസ് !!

മലയാളികൾക്ക് വളരെ സുപരിചിതയായ ഗായികയാണ് രഞ്ജിനി ജോസ്. മലയാള സിനിമയിൽ കുറെ നല്ല ഗാനങ്ങൾ താരം സംഭാവന ചെയ്തിട്ടുണ്ട്. പിന്നണി ഗാന രാഗത്ത് സജീവമായ രഞ്ജിനി ഗാനമേള വേദികളിലും വിദേശ ഷോകളിലും നിറ സാന്നിധ്യമാണ്. മികച്ചൊരു ഗായിക എന്നതിലുപരി യാത്രകളെ വളരെയധികം ഇഷ്ടപെടുന്ന ആളുകൂടിയാണ് രഞ്ജിനി.

നിരവധി സ്ഥലങ്ങൾ ഇതിനോടകം താരം സഞ്ചരിച്ച് കഴിഞ്ഞു. മാറ്റ് ചില യാത്രകളെ പ്ലാൻ ചെയ്ത സമയത്താണ് ലോക് ടൗണിൽ ആയത്. മനസ്സ് വല്ലാതെ ബോറടിക്കുമ്പോൾ എത്ര തിരക്കിലും ചെറുയാത്രകൾ ചെയ്യണം. യാത്ര നൽകുന്ന ഉന്‍മേഷം മനസ്സിന് മാത്രമല്ല ശരീരത്തിനുകൂടിയാണ്. ടെൻഷന്റെ ലോകത്തിൽനിന്നു ശാന്തസുന്ദരമായ ഇടത്തിൽ‌ എത്തിച്ചേർന്ന അനുഭൂതിയാണ് ഒാരോ യാത്രയും സമ്മാനിക്കുന്നത് – രഞ്ജിനി പറയുന്നു

രഞ്ജിനിയുടെ വാക്കുകളിലേക്ക്.. ഇതിനോടകം എനിക്ക് ഒരുപാട് സ്ഥലങ്ങൾ സന്ദർശിക്കാനുള്ള ഭാഗ്യം ഉണ്ടായിട്ടുണ്ട്. വിദേശ രാജ്യങ്ങൾ ഉൾപ്പെടെ മിക്കയിടങ്ങളിലേക്കും യാത്ര പോയിട്ടുണ്ട്. ബാലിയിൽ‌‍ പോയിട്ടുണ്ടെങ്കിലും പിന്നെയും പോകണമെന്നു തോന്നുന്ന ഇടമാണ്. കംബോ‍ഡിയ ഇഷ്ട സ്ഥലങ്ങളിലൊന്നാണ്. ഇതുവരെ പോകാൻ സാധിച്ചിട്ടില്ല. ഗ്രീസ് പൗരാണികത കൊണ്ടും മനോഹാരിതകൊണ്ടും ആരേയും മയക്കുന്ന ഇടമാണ്. ഗ്രീക്ക് ദ്വീപുകളിലെ സൂപ്പര്‍ മോഡലാണ് സാന്‍ഡോരിനി എന്ന അതിമനോഹരമായ ദ്വീപ്‌.

സുന്ദരമായ കാഴ്ച്ചകൾ നമ്മുടെ മനസിനെയും ശരീരത്തെയും എപ്പോഴും ശാന്തമാകും ഒപ്പം കുളിർമയും ഒരു മികച്ച അനുഭവവും ഉണ്ടാകും.. നമ്മുടെ ജീവിതത്തിലെ അതുവരെ ഉണ്ടായിരുന്ന എല്ലാ നെഗറ്റീവ് എനർജിയും പെട്ടന്ന് ഇല്ലാതെയാകും… കടലിനടിയിലെ കാൽഡെറയിൽ നിന്ന് ഉയര്‍ന്നു നില്‍ക്കുന്ന വര്‍ണ്ണശബളമായ പാറകളും വെളുത്ത നിറത്തിലുള്ള സുന്ദരമായ കെട്ടിടങ്ങളും പ്രകൃതിയുടെ അനന്യമായ സൗന്ദര്യവും ആരെയും മയക്കുന്നത്രയും ഭംഗിയുള്ള സൂര്യാസ്തമയങ്ങളും അഗ്നിപര്‍വ്വതശേഷിപ്പുകളും പഞ്ചാരമണല്‍ വിരിച്ച ബീച്ചുകളും എല്ലാം ചേര്‍ന്ന് ആരെയും ഭാവഗായകനാക്കുന്നത്രയും അഴകുണ്ട് സാൻഡോരിനിക്ക്.ചിത്രങ്ങളിലും വിഡിയോകളിലും കണ്ടപ്പോൾ മുതലുള്ള ആഗ്രഹമാണ് അവിടേക്കുള്ള യാത്ര. എനിക്ക് ഒരുപാട് ഇഷ്ടമുള്ള ഇടമാണ് സാൻഡോരിനി. ഒരിക്കൽ ഇവിടേക്ക് പോകണം.