ഞങ്ങള്‍ രണ്ട് പേരും പരസ്പരം ബഹുമാനിക്കുകയും മനസ്സിലാക്കുകയും ചെയ്യുന്നു; റെബേക്ക പറയുന്നു

കസ്തൂരിമാന്‍ എന്ന സീരിയലിലൂടെ ശ്രദ്ധിക്കപ്പെട്ട നടിയാണ് റെബേക്ക സന്തോഷ്. നേരത്തെ നിരവധി സീരിയലുകളില്‍ താരം അഭിനയിച്ചിട്ടുണ്ടെങ്കിലും കസ്തൂരിമാന്‍ എന്ന സീരിയല്‍ ആണ് താരത്തിന്റെ കരിയറില്‍ വഴിതിരിവായത്. പരമ്പര അവസാനിച്ചിട്ട് വര്‍ഷങ്ങള്‍ പിന്നിടുമ്പോഴും ഇന്നും മിനിസ്‌ക്രീന്‍ പ്രേക്ഷക മനസില്‍ ഉണ്ട് കാവ്യ എന്ന ആ കഥാപാത്രം. ഈ അടുത്തായിരുന്നു താരത്തിന്റെ വിവാഹം. സംവിധായകന്‍ ശ്രീജിത്ത് സന്തോഷിനെയാണ് താരം വിവാഹം കഴിച്ചത്.

വിവാഹ ശേഷവും അഭിനയ രംഗത്ത് സജീവമാണ് നടി. തന്റെ വിശേഷം പങ്കുവെച്ച് താരം എത്താറുണ്ട്. അതുപോലെ ഭാര്യയുടെ കുസൃതി നിറഞ്ഞ വീഡിയോകള്‍ ശ്രീജിത്തും പങ്കുവെക്കാറുണ്ട്. ഇതെല്ലാം നിമിഷന്നേരം കൊണ്ട് വൈറല്‍ ആവാറുണ്ട്. വിവാഹം കഴിഞ്ഞപ്പോള്‍ തന്നില്‍ പ്രത്യേകിച്ച് വലിയ മാറ്റം ഒന്നും ഉണ്ടായിട്ടില്ല എന്ന് പറയുകയാണ് നടിയിപ്പോള്‍. ഒരു അഭിമുഖത്തിനിടെയാണ് താരം വിശേഷം പങ്കുവെച്ചത്.

രണ്ടുപേരും ഒരേ ഫീല്‍ഡില്‍ തന്നെ ഉള്ളവര്‍ ആയതുകൊണ്ട് കുഴപ്പമില്ല. പരസ്പരം മനസിലാക്കുന്നുണ്ട് ഞങ്ങള്‍, അതുപേലെ പരസ്പരം ബഹുമാനിക്കുന്നുണ്ട്. ഞാന്‍ ഷൂട്ടിംഗുമായി തിരക്കിലാണ്, ശ്രീ ആളുടെ സിനിമ സ്വപ്‌നത്തിന്റെ പുറകെയും . ഒന്നിച്ച് കിട്ടുന്ന സമയം , ഞങ്ങള്‍ ആഘോഷിക്കാറുണ്ട്. വിളിച്ചില്ല , മേസേജ് അയച്ചില്ല എന്ന് പറഞ്ഞ് പരാതി പറയുന്ന ഭാര്യ അല്ല ഞാന്‍ നടി പറഞ്ഞു.

അതേസമയം ഏറെ നാളത്തെ പ്രണയത്തിന് ശേഷമാണ് റേബേക്കയും , ശ്രീജിത്തും തമ്മിലുള്ള വിവാഹം . വലിയ ആഘോഷത്തോട് കൂടി നടത്തിയ വിവാഹത്തിന്റെ ചിത്രങ്ങളും പുറത്തുവന്നിരുന്നു. നിരവധി താരങ്ങളും ഇവരുടെ വിവാഹത്തിന് പങ്കെടുത്തു.