തീയറ്ററുകളിൽ ഗർജനം സൃഷ്ടിക്കാൻ ‘ കുറുവച്ചൻ’ വരുന്നു. കടുവയുടെ റിലീസ് തീയതി പുറത്ത്. ആവേശത്തിൽ ആരാധകർ.

ഷാജി കൈലാസ് സംവിധാനം ചെയ്യുന്ന ഏറ്റവും പുതിയ ചിത്രമാണ് കടുവ. ഇദ്ദേഹത്തിൻറെ തിരിച്ചു വരവ് അറിയിക്കുന്ന ചിത്രം കൂടിയാണ് ഇത്. ചിത്രത്തിൽ പൃഥ്വിരാജ് ആണ് നായകൻ. ഒരു ചെറിയ ഇടവേളയ്ക്ക് ശേഷം മാസ പരിവേഷത്തിൽ പൃഥ്വിരാജ് തിരിച്ചെത്തുന്നു എന്ന പ്രത്യേകതയും ഇതിനുണ്ട്.

ഇപ്പോഴിതാ ചിത്രത്തിൻറെ റിലീസ് തീയതി പുറത്തുവന്നിരിക്കുകയാണ്. ആദ്യം ഓണം റിലീസായി ചിത്രം എത്തും എന്നാണ് കരുതിയത്. എന്നാൽ ഇപ്പോൾ റിലീസ് നേരത്തെ ആക്കിയിരിക്കുകയാണ് നിർമ്മാതാക്കൾ. ജൂൺ 30ന് ചിത്രം ലോകമെമ്പാടുമുള്ള തീയേറ്ററുകളിൽ പ്രദർശനത്തിനെത്തും.

എട്ടുവർഷത്തെ ഇടവേളയ്ക്ക് ശേഷമാണ് ഷാജി കൈലാസ് ക്ലാസ് ഒരു ചിത്രം എടുക്കുന്നത്. പ്രഖ്യാപന ദിവസം മുതൽ ആരാധകർ ഏറെ പ്രതീക്ഷയോടെ കാത്തിരിക്കുന്ന പൃഥ്വിരാജ് ചിത്രമാണ് കടുവ. കടുവ ചിത്രത്തിൻറെ ബ്രേക്കിനിടയിൽ മറ്റൊരു ചിത്രം ഷാജി കൈലാസ് പൂർത്തീകരിച്ചിരിക്കുന്നു. എലോൺ എന്ന ചിത്രമാണ് ഇത്. മോഹൻലാൽ ആണ് ഈ ചിത്രത്തിൽ നായകനായി എത്തിയത്. ഈ ചിത്രം എപ്പോൾ പ്രദർശനത്തിനെത്തും എന്ന കാര്യം വ്യക്തമല്ല.

ഒരു ഓ ടി ടി റിലീസ് ആയിരിക്കും എലോൺ എന്നാണ് ഏവരും കരുതുന്നത്. എന്തായാലും വാർത്ത പുറത്തുവന്നതിന് പിന്നാലെ ആരാധകർ ആവേശത്തിലാണ്. ചിത്രത്തിൻ്റെ രചന നിർവ്വഹിച്ചിരിക്കുന്നത് ജിനു എബ്രഹാമാണ്. വിവേക് ഒബ്രോയ് ആണ് ചിത്രത്തിൽ വില്ലനായി എത്തുന്നത്. പൃഥ്വിരാജ് പ്രൊഡക്ഷൻസും ലിസ്റ്റിൻ സ്റ്റീഫൻ മാജിക് ഫ്രെയിംസും ചേർന്നാണ് നിർമ്മിക്കുന്നത്.