പ്രഭാസ് ആരാധകര്ക്ക് ആശങ്കയുണ്ടാക്കുന്ന റിപ്പോര്ട്ടുകളാണ് തെലുങ്കില് നിന്നും എത്തുന്നത്. താരത്തിന്റെ ആരോഗ്യ നില മോശമായതോടെ ചികിത്സയ്ക്കായി വിദേശത്തേക്ക് പോയിരിക്കുകയാണ് എന്നാണ് പുതിയ റിപ്പോര്ട്ട്.
താരത്തിന് ഹൈ ടെംപറേച്ചര് ആവുകയും സുഖം പ്രാപിക്കാത്തത് മൂലം ചികിത്സയ്ക്കായി വിദേശത്തേക്ക് പോയതായുമാണ് റിപ്പോര്ട്ടുകള്. താരത്തിന്റെ ആരോഗ്യ നിലയെ കുറിച്ചുള്ള റിപ്പോര്ട്ടുകള് എത്തിയതോടെ ആശങ്കയിലാണ് താരത്തിന്റെ ആരാധകര്.
താരത്തിന്റെ ആരോഗ്യത്തിന് വേണ്ടി പ്രാര്ത്ഥിക്കുകയാണ് ആരാധകര്. അദ്ദേഹത്തെ പരിശോധിച്ച ഡോക്ടര്മാര് വിശ്രമം നിര്ദ്ദേശിച്ചുവെന്നും റിപ്പോര്ട്ടുകള് പറയുന്നു.
അതേസമയം പ്രഭാസിന്റെ ആരോഗ്യനില സംബന്ധിച്ച ഔദ്യോഗിക പ്രഖ്യാപനം ഒന്നും വന്നിട്ടില്ല. താരം ചികിത്സ്ക്കായി വിദേശത്തേക്ക് പോയതിനാല് താരത്തിന്റെ പ്രൊജക്ട് കെയും സലാറും വൈകുമെന്നാണ് സൂചന.
ചിത്രങ്ങളുടെ ഷൂട്ടിങ് നിര്ത്തി വച്ചിരിക്കുകയാണ് എന്നാണ് റിപ്പോര്ട്ടുകള് പറയുന്നത്.അതേസമയം ആദിപുരുഷ് ജൂണ് 16ന് റിലീസ് ചെയ്യുമെന്നാണ് അണിയറപ്രവര്ത്തകര് അറിയിച്ചിരിക്കുന്നത്. ചിത്രത്തില് ശ്രീരാമനായാണ് പ്രഭാസ് എത്തുന്നത്. രാവണനായി വേഷമിടുന്നത് ബോളിവുഡ് താരം സെയ്ഫ് അലിഖാന് ആണ്.
നടന് സണ്ണി സിംഗും പ്രധാന വേഷത്തില് എത്തുന്നുണ്ട്. ടി- സീരീസ്, റെട്രോഫൈല് എന്നീ ബാനറുകളില് ഭൂഷണ് കുമാറും കൃഷ്ണകുമാറും ഓം റൗട്ടും ചേര്ന്നാണ് നിര്മ്മാണം. തിന്മയ്ക്കുമേല് നന്മയുടെ വിജയത്തെ ചുറ്റിപ്പറ്റിയുള്ള ഇന്ത്യന് ഇതിഹാസത്തിന്റെ കഥയാണ് ചിത്രത്തിന്റെ പ്രമേയം.