ബോളിവുഡിന്റെ കിങ് ഖാനായ ഷാരൂഖ് ഖാന് നായകനായി എത്തുന്ന പുതിയ ചിത്രമാണ് പത്താന്. നാല് വര്ഷങ്ങള്ക്ക് ശേഷം തീയറ്ററില് എത്തുന്ന ഷാരൂഖ് ചിത്രമെന്ന നിലയില് ചിത്രത്തിനായി ആകാംക്ഷയോടെ കാത്തിരിക്കുകയാണ് സിനിമ പ്രേമികള്.
എന്നാല് ഇതിനിടയിലാണ് ചിത്രം വിവാദത്തില് പെട്ടത്. ചിത്രത്തിലെ ഒരു ഗാനരംഗത്തില് ദീപിക ഇട്ട ബിക്കിനിയുടെ നിറത്തിനെ തുടര്ന്നായിരുന്നു ചിത്രം വിവാദത്തിലായത്.
ഇതോടെ ബിജെപി പ്രവര്ത്തകര് ചിത്രത്തിന് എതിരെ ബഹിഷ്കരണ ആഹ്വാനമായി എത്തുകയായിരുന്നു. എന്നാല് ചിത്രം റിലീസിന് അടുക്കുമ്പോള്
വിവാദങ്ങള് ഷാരൂഖ് ചിത്രം ‘പത്താന് തുണയായെന്ന് റിപ്പോര്ട്ടുകള്.
വിവാദങ്ങള് ഇയര്ന്നതോടെ ചിത്രത്തിന്റെ ടിക്കറ്റ് നിരക്ക് കുത്തനെ ഉയരുകയായിരുന്നു. പിവിആര് സെലക്ട് സിറ്റി വാക്കില് 2100 രൂപയ്ക്ക് ആണ് വില്ക്കുന്നത്. ആദ്യ ദിവസം രാത്രി 11 മണിക്കുള്ള ഷോയ്ക്കായി സീറ്റുകള് അതിവേഗമാണ് നിറയുന്നത്.
പിവിആര് ലോജിസ് നോയിഡല് 10:55നുള്ള ഷോയുടെ ടിക്കറ്റ് നിരക്ക് 1090 രൂപയായി ഉയര്ന്നു. 2ഡി ടിക്കറ്റ് നിരക്ക് 700 രൂപയായിട്ടും ഉയര്ന്നിട്ടുണ്ട്.
മുംബൈയിലെ പിവിആര് ഐക്കണ്, ഫീനിക്സ് പലേഡിയം, ലോവര് പരേലില്, രാത്രി 11 മണിക്കുള്ള ഷോയുടെ ടിക്കറ്റ് നിരക്ക് 1450 രൂപയാണ്.
നിരക്കില് കുത്തനെ ഉയര്ച്ച ഉണ്ടായിട്ടും ഈ ടിക്കറ്റുകള് എല്ലാം നിമിഷ നേരം കൊണ്ട് വിറ്റ് തീരുകയും ചെയ്തു. കൊല്ക്കത്തയിലും നിരക്ക് വര്ധനയുണ്ടായി. ബാംഗ്ലൂരില്, പഠാന്റെ ഏറ്റവും ഉയര്ന്ന ടിക്കറ്റ് നിരക്ക് 900 രൂപയാണ്.
പൂനെയില് ടിക്കറ്റ് നിരക്ക് 650 രൂപയായി ഉയര്ന്നപ്പോള് ഹൈദരാബാദില് ടിക്കറ്റ് നിരക്ക് 295 രൂപയായി ഉയര്ന്നു. അതേസമയം നീണ്ട ഇടവേളക്ക് ശേഷം
തീയറ്ററില് എത്തുന്ന ചിത്രമാണ് പത്താന്.
പത്താന് ജനുവരി 25-ന് തിയറ്ററുകളില് എത്തും. ആക്ഷന് ത്രില്ലര് വിഭാഗത്തില് പെടുന്നതാണ് ചിത്രം. ജോണ് എബ്രഹാം, ഡിംപിള് കപാഡിയ, ഷാജി ചൗധരി, ഗൗതം, അഷുതോഷ് റാണ തുടങ്ങിയവരും ചിത്രത്തിന്റെ ഭാഗമാണ്.