സുമലതയ്ക്ക് ആയിരുന്നു പ്രാധാന്യം എന്ന് അറിഞ്ഞിട്ടും ഞാൻ ആ സിനിമ ചെയ്യാൻ തീരുമാനിച്ചത് ഇതാണ് കാരണം – പാർവതി

ഒരു കാലത്തെ മലയാളിയുടെ സങ്കൽപ്പത്തിലുള്ള സ്ത്രീ ആയിരുന്നു പാർവതി എന്ന് പറഞ്ഞാൽ അത് അതിശയോക്തിയാവില്ല. മലയാള സിനിമയിൽ സജീവമായിരുന്നു പണ്ട് താരം. വിവാഹത്തിന് ശേഷമാണ് താരം അഭിനയത്തിൽ നിന്നും പിൻ വാങ്ങുന്നത്. മലയാളികളുടെ സങ്കൽപത്തിലുള്ള ശാലീന സൗന്ദര്യം ആയിരുന്നു പാർവ്വതിക്ക്. ഒരുപാട് ആരാധകരാണ് ഈ നടിക്ക് ഉണ്ടായിരുന്നത്. മികച്ച ഒരു അഭിനേതാവായിരുന്നു താരം എന്നതിലും തർക്കമില്ല.

ഇതിനിടയിലാണ് സിനിമയിൽ തിളങ്ങി നിൽക്കുന്ന സമയത്ത് പാർവതി ജയറാമിനെ വിവാഹം ചെയ്യുന്നത്. പ്രണയ വിവാഹമായിരുന്നു ഇരുവരുടെയും. ഇതിനു ശേഷമാണ് പാർവതി സിനിമ വിട്ടത്. മലയാളികളുടെ പ്രിയ താര ദമ്പതിമാരിൽ മുൻ നിരയിൽ ഉണ്ട് പാർവതിയും ജയറാമും. ആ സമയത്ത് മിക്ക സൂപ്പർ താരങ്ങളുടെയും നായികയായി താരം എത്തിയിട്ടുണ്ട് എന്നുള്ളതും എടുത്തു പറയേണ്ടതാണ്. മമ്മൂട്ടി ആയാലും മോഹൻലാൽ ആയാലും എല്ലാവരോടും കട്ടക്ക് നിൽക്കുന്ന പ്രകടനമായിരുന്നു പാർവതിയുടെത്. വിവാഹിതരെ ഇതിലെ എന്ന ചിത്രത്തിലൂടെയാണ് അഭിനയത്തിലേക്ക് പാർവതി എത്തുന്നത്. ബാലചന്ദ്ര മേനോൻ ആയിരുന്നു ഈ ചിത്രം സംവിധാനം ചെയ്തത്.

ഒരുപാട് സൂപ്പർ ഹിറ്റ് ചിത്രങ്ങളുണ്ട് താരത്തിന് പേര്. തൂവാനത്തുമ്പികൾ, തലയണ മന്ത്രം, ഒരു മിന്നാമിനുങ്ങിൻ്റെ നുറുങ്ങു വെട്ടം, ജാലകം പട്ടിക അങ്ങനെ നീളുന്നു. ഇതിൽ തൂവാനത്തുമ്പികൾ അറിയപ്പെടുന്നത് മലയാളത്തിൻ്റെ ക്ലാസിക്കുകൾ ഒന്നായിട്ടാണ്. മലയാളത്തിലെ ഇതിഹാസ സംവിധായകനായ പത്മ രാജൻ ആണ് ഈ ചിത്രം സംവിധാനം ചെയ്തത്. രാധ എന്ന കഥാപാത്രമായിരുന്നു പാർവ്വതിക്ക് ഇതിൽ.

ഇപ്പോഴിതാ ക്ലാരയ്ക്ക് ആണ് ചിത്രത്തിൽ പ്രാധാന്യം എന്നറിഞ്ഞിട്ടും ഈ കഥാപാത്രം എന്തുകൊണ്ട് ചെയ്തു എന്നുള്ള ഉത്തരത്തിനു മറുപടി പറയുകയാണ് പാർവതി. വലിയൊരു സംവിധായകനാണ് അദ്ദേഹം. അദ്ദേഹത്തിൽ നിന്നും ഉള്ള ആദ്യത്തെ ഓഫർ ആണ്. എന്ത് ക്യാരക്ടർ ആയാലും അത് ചെയ്യുക എന്ന് മാത്രമേ എനിക്ക് ഉണ്ടായിരുന്നുള്ളൂ. കഥ കേട്ടത് അതങ്ങനെയാണ്. തുല്യ പ്രാധാന്യമുള്ള കഥാപാത്രമാണ് എൻറെത് എന്ന് അദ്ദേഹം പറഞ്ഞിരുന്നു. പക്ഷേ സുമലതയ്ക്ക് ആണ് കുറച്ച് കൂടുതലായി ചെയ്യാൻ ഉള്ളതെന്നും അദ്ദേഹം ആദ്യമേ പറഞ്ഞിരുന്നു. അങ്ങനെയാണ് ആ കഥാപാത്രം ചെയ്യുന്നത്. വലിയൊരു അനുഭവമായിരുന്നു അത്. താരം പറഞ്ഞു. ചിത്രത്തിൽ പാർവ്വതിക്ക് പുറമേ മോഹൻ ലാൽ സുമലത അശോകൻ എന്നിവരും കേന്ദ്ര കഥാപാത്രങ്ങളെ അവതരിപ്പിച്ച് എത്തിയിരുന്നു.