പാര്‍വ്വതിയുടെ ബേബി ഷവര്‍ ആഘോഷിച്ച് കുടുംബം; വീഡിയോ വൈകാതെ എത്തും എന്ന് മൃദുലയും

മിനിസ്‌ക്രീന്‍ പ്രേക്ഷകര്‍ ആഘോഷമാക്കിയ വിവാഹമായിരുന്നു മൃദുല വിജയുടെ . സീരിയല്‍ താരം യുവ കൃഷ്ണയാണ് നടിയെ വിവാഹം കഴിച്ചത്. ഇവരുടെത് വീട്ടുക്കാര്‍ തന്നെ തീരുമാനിച്ചുറപ്പിച്ച വിവാഹം ആയിരുന്നു. മിനിസ്‌ക്രീനില്‍ ഒന്നിച്ച് അഭിനയിച്ച താരങ്ങള്‍ ജീവിതത്തിലും ഒന്നിച്ചതോടെ ആരാധകരും സന്തോഷത്തിലായി. വിവാഹശേഷവും തങ്ങളുടെ വിശേഷം പങ്കുവെച്ച് താരങ്ങള്‍ എത്താറുണ്ട്.

ഇവര്‍ പങ്കുവെക്കുന്ന വീഡിയോ നിമിഷന്നേരം കൊണ്ടാണ് വൈറല്‍ ആവാര്‍. മൃദുലയുടെ സഹോദരി പാര്‍വ്വതിയും പ്രേക്ഷകരുെട പ്രിയപ്പെട്ട താരമാണ്. സീരിയല്‍ കുടുംബവിളക്കില്‍ ശീതള്‍ എന്ന കഥാപാത്രത്തെ അവതരിപ്പിച്ചുകൊണ്ടായിരുന്നു പാര്‍വ്വതിയുടെ വരവ്. എന്നാല്‍ ഈ പരമ്പരയുടെ പകുതി വെച്ച് താരം പിന്മാറുകയായിരുന്നു. ഇതേ സീരിയലിന്റെ ക്യാമറാമാന്‍ ആയിരുന്ന അരുണുമായി പാര്‍വ്വതി പ്രണയത്തില്‍ ആവുകയായിരുന്നു, പിന്നാലെ ഇവര്‍ വിവാഹിതരായി. ഇതിന് ശേഷം അഭിനയത്തില്‍ നിന്നും താരം പിന്മാറി.

ഇപ്പോള്‍ തന്റെ സഹോദരിയുടെ ബേബി ഷവര്‍ ആഘോഷിച്ചിരിക്കുകയാണ് മൃദുലയും കുടുംബവും. ഇതിന്റെ ചിത്രവും താരം പങ്കുവെച്ചു. അതേസമയം വീഡിയോ വൈകാതെ തന്നെ റിലീസ് ചെയ്യുമെന്നും ഇതിന് താഴെ മൃദുല കുറിച്ചു. ഇതിന് താഴെ നിരവധി കമന്റും വരുന്നുണ്ട്.

പോസ്റ്റ് കണ്ടതോടെ വീഡിയോ കാണാനായി കാത്തിരിക്കുകയാണ് എന്നും ആരാധകര്‍ കുറിച്ചു. ഇപ്പോള്‍ അഭിനയത്തില്‍ ഇല്ലെങ്കില്‍ പോലും പാര്‍വ്വതിയുടെ വിശേഷം തിരക്കി ആരാധകര്‍ അങ്ങോട്ട് പോവാറുണ്ട്. ആരാധകര്‍ ഏറെയാണ് ഈ താരത്തിന്. പാര്‍വ്വതി അഭിനയത്തിലേക്ക് തിരിച്ചുവരണം എന്നും ആരാധകര്‍ ആഗ്രഹിക്കുന്നു.