ലിയോ ഫാമിലി ; കുഞ്ഞിനൊപ്പമുള്ള ആദ്യത്തെ ഫോട്ടോ പങ്കുവെച്ച് താരങ്ങള്‍

മിനിസ്‌ക്രീന്‍ പ്രേക്ഷകരുടെ പ്രിയപ്പെട്ടവരാണ് യുവ കൃഷ്ണയു , മൃദുല വിജയും. രണ്ടുപേരും അഭിനയ ലോകത്ത് സജീവമായിരുന്നു , പിന്നീട് അടുത്ത സുഹൃത്തുക്കളായി മാറുകയും ചെയ്തു ഇവര്‍. ഒരിക്കല്‍ രേഖ രതീഷ് നിങ്ങള്‍ക്ക് രണ്ടുപേര്‍ക്കും വിവാഹം കഴിച്ചൂടെ എന്ന് ചോദിച്ചു, ഇത് ഇവര്‍ സീരിയസ് ആയി എടുത്തതോടെ, ഒന്നിക്കാന്‍ ഇവര്‍ തീരുമാനിക്കുകയായിരുന്നു. ഇന്ന് ധ്വാനി എന്നൊരു മകളുമുണ്ട് ഇവര്‍ക്ക്. കുഞ്ഞിന്റെ വിശേഷം പങ്കുവെച്ച് താരങ്ങള്‍ എത്താറുണ്ട് . അതുപോലെ ഗര്‍ഭകാല വിശേഷങ്ങള്‍ പങ്കുവെച്ച് മൃദുലയും വീഡിയോസ് പങ്കുവെച്ചിരുന്നു.

ഇപ്പോഴിതാ കുഞ്ഞു ജനിച്ച ശേഷം ആദ്യത്തെ ഫോട്ടോഷൂട്ട് ചിത്രം പങ്കുവെച്ചിരിക്കുകയാണ് താരങ്ങള്‍. ഈ അടുത്താണ് മകളുടെ പേരില്‍ പുതിയ ഇന്‍സ്റ്റഗ്രാം അക്കൗണ്ട് ഇവര്‍ തുടങ്ങിയത്. ഈ ഇന്‍സ്റ്റഗ്രാം പേജില്‍ ഏറ്റവും ആദ്യം പങ്കുവച്ചിരിയ്ക്കുന്നതും ഈ ചിത്രമാണ്.

‘അച്ഛനായിരിയ്ക്കുക എന്നാല്‍ ഉത്തരവാദിത്വം കൂടുന്നു എന്നത് മാത്രമല്ല, നിങ്ങളുടെ മുഖത്ത് ഒരു പുഞ്ചിരിയോടെ, മുറിവേല്‍ക്കാതെ നിങ്ങളുടെ രക്തത്തെ കാണുന്നത് അതിശയകരമായ ഒരു വികാരമാണ്’ എന്നാണ് യുവ ഫോട്ടോയ്ക്ക് ഒപ്പം കുറിച്ചത്. ലിയോ ഫാമിലി എന്നാണ് മൃദുല പങ്കുവച്ചിരിയ്ക്കുന്ന ഇതേ ഫോട്ടോയ്ക്കും ക്യാപ്ഷന്‍ നല്‍കിയിരിയ്ക്കുന്നത് .

‘യുവാച്ഛനും മൃദ്വമ്മയ്ക്കും ഒപ്പം എന്റെ ആദ്യത്തെ ഫോട്ടോഷൂട്ട്’ എന്നാണ് ധ്വനിയുടെ പേജില്‍ പങ്കുവച്ചിരിയ്ക്കുന്ന ഫോട്ടോയ്ക്ക് ക്യാപ്ഷന്‍ നല്‍കിയിരിയ്ക്കുന്നത്. സെലിബ്രിറ്റി ഫോട്ടോഗ്രാഫര്‍ രേഷ്മയാണ് ഇവരുടെ ഫോട്ടോ പകര്‍ത്തിയത്. ക്യൂട്ട് ധ്വാനി കുട്ടിയെ കുറിച്ചുള്ള കമന്റ് ചിത്രത്തിന് താഴെ വരുന്നുണ്ട്.