നാളെയാണ് ആ ദിവസം – സന്തോഷവാർത്ത പങ്കുവെച്ച് മോഹൻലാൽ, ഇതിനുവേണ്ടിയാണ് ലാലേട്ടാ ഇത്രയും കാലം കാത്തിരുന്നത് എന്ന് മലയാളികൾ

മലയാളികൾക്ക് ഏറെ പ്രിയപ്പെട്ട താരങ്ങളിലൊരാളാണ് മോഹൻലാൽ. മലയാള സിനിമയുടെ ചരിത്രത്തിലെ തന്നെ ഏറ്റവും വലിയ താരങ്ങളിൽ ഒരാൾ. മരക്കാർ എന്ന ചിത്രത്തിലാണ് മോഹൻലാൽ അവസാനം ആയി പ്രത്യക്ഷപ്പെട്ടത്. പ്രിയദർശൻ ആയിരുന്നു ഈ ചിത്രം സംവിധാനം ചെയ്തത്. ആശിർവാദ് പ്രൊഡക്ഷൻസ് ബാനറിൽ ആൻറണി പെരുമ്പാവൂർ ആണ് ചിത്രം നിർമിച്ചത്. ഡിസംബർ രണ്ടാം തീയതി ആയിരുന്നു ചിത്രം റിലീസ് ചെയ്തത്. ചരിത്രത്തിൽ ഒരു മലയാള സിനിമയ്ക്കും ലഭിക്കാത്ത വരവേൽപ്പ് ആയിരുന്നു ഈ ചിത്രത്തിന് ലഭിച്ചത്.

അടുത്തതായി മോഹൻലാൽ അഭിനയിക്കുന്നത് ബറോസ് ചിത്രത്തിലായിരിക്കും. മോഹൻലാൽ തന്നെയാണ് ഈ സിനിമയുടെ സംവിധായകൻ. ആൻറണി പെരുമ്പാവൂർ തന്നെയാണ് ചിത്രം നിർമ്മിക്കുന്നത്. ജിജോ ആണ് സിനിമയുടെ തിരക്കഥ ഒരുക്കുന്നത്. സന്തോഷ് ശിവനാണ് സിനിമയുടെ ക്യാമറ കൈകാര്യം ചെയ്യുന്നത്. ബരോസ് – നിധി കാക്കും ഭൂതം എന്നാണ് സിനിമയുടെ മുഴുവൻ പേര്. മോഹൻലാൽ തന്നെയാണ് സിനിമയിലെ കേന്ദ്ര കഥാപാത്രത്തെ അവതരിപ്പിക്കുന്നത്. വലിയൊരു താരനിര തന്നെയുണ്ട് ചിത്രത്തിൽ.

കൊവിഡ് രണ്ടാം തരംഗത്തിന് മുൻപ് സിനിമയുടെ ചിത്രീകരണം ആരംഭിച്ചിരുന്നു. പിന്നീട് നിർത്തിവെക്കുകയായിരുന്നു. ഇപ്പോൾ ചിത്രീകരണം വീണ്ടും ആരംഭിക്കാൻ പോവുകയാണ്. നാളെ മുതൽ ആയിരിക്കും സിനിമയുടെ ചിത്രീകരണം ആരംഭിക്കുന്നത്. ഇതുവരെ ചിത്രീകരിച്ചത് മുഴുവൻ കളഞ്ഞ ശേഷം ആയിരിക്കും പുതിയ ചിത്രീകരണം തുടങ്ങുക. എന്തുകൊണ്ടാണ് ഇങ്ങനെ ചെയ്യുന്നത് എന്ന് അറിയുമോ?

ചിത്രത്തിലെ കേന്ദ്രകഥാപാത്രത്തെ അവതരിപ്പിക്കുന്ന ഒരു വിദേശി പെൺകുട്ടി ആയിരുന്നു. കൊവിട് രണ്ടാംതരംഗതിനു ശേഷം ഇവർ നാട്ടിലേക്ക് തിരിച്ചുപോയി. ഇപ്പോൾ സിനിമയിലേക്ക് തിരിച്ചു വരാൻ പറ്റാത്ത അവസ്ഥയാണ്. അതുകൊണ്ട് ഇവർ ഉൾപ്പെട്ടിട്ടുള്ള രംഗങ്ങളെല്ലാം തന്നെ ഒഴിവാക്കിയ ശേഷം ആയിരിക്കും പുതിയത് ആരംഭിക്കുന്നത്. ഏകദേശം ആദ്യം ഷൂട്ട് ചെയ്തത് മുഴുവനായി ഉപേക്ഷിക്കുകയാണ് എന്നാണ് അറിയാൻ സാധിക്കുന്നത്. എന്തായാലും ഈ വാർത്ത അറിഞ്ഞതോടെ മലയാളികൾ അല്പം സങ്കടത്തിലാണ്.