ഒരു പരിപാടിക്കിടെയാണ് കാണുന്നത്, 9 വര്‍ഷത്തോളം ഞങ്ങള്‍ പ്രണയിച്ചു; പ്രണയ കഥ പറഞ്ഞു മേഘ്‌ന

പ്രേക്ഷകരുടെ പ്രിയപ്പെട്ട നടിയാണ് മേഘ്‌ന രാജ്. വളരെ കുറച്ച് മലയാള ചിത്രത്തിലെ നടി അഭിനയിച്ചിട്ടുള്ളു. ഏറെ നാളത്തെ പ്രണയത്തിന് ശേഷമാണ് മേഘ്‌ന രാജും ചിരഞ്ജീവി സര്‍ജയും വിവാഹിതരായത്
. ഇപ്പോള്‍ ചിരുവുമായുള്ള പ്രണയത്തെക്കുറിച്ച് തുറന്നു പറഞ്ഞിരിക്കുകയാണ് മേഘ്‌ന.

സിനിമയില്‍ എത്തുന്നതിനു മുമ്പ് തന്നെ തനിക്ക് ചിരുവിന് അറിയാമായിരുന്നു. ഒരു പരിപാടിക്കിടെയാണ് ഞങ്ങള്‍ പരിചയപ്പെടുന്നത്. ഇതാണ് ചീരു അര്‍ജുന്‍ അങ്കിളിന്റെ നെവ്യൂ എന്ന് പറഞ്ഞായിരുന്നു അദ്ദേഹത്തെ പരിചയപ്പെടുത്തിയത്. കൈ കൊടുത്തപ്പോള്‍ പിന്നീട് ചീരും എന്റെ കൈ വിട്ടിരുന്നില്ല. കൈ കുലുക്കി സംസാരിക്കുകയായിരുന്നു. അമ്മയും ഇതെല്ലാം കാണുന്നുണ്ട്. മുടിയൊക്കെ സെറ്റാക്കി അദ്ദേഹം കടന്നുപോയ കാഴ്ച ഇപ്പോഴും എന്റെ മനസ്സില്‍ ഉണ്ടെന്ന് നടി പറയുന്നു.

ഇത് തന്നെയാണ് തന്റെ പുരുഷനെന്നു തുടക്കത്തിലെ തോന്നിയിരുന്നു , അദ്ദേഹത്തിന്റെ മനസ്സിലും അങ്ങനെ ഒരു ഫീലിംഗ് ഉണ്ടായിരുന്നു. ഞാന്‍ കേരളത്തില്‍ നിന്ന് ബാംഗ്ലൂരിലേക്ക് തിരിച്ചെത്തിയത് അറിയിച്ചിരുന്നില്ല , അത് ചോദിക്കുകയും ചെയ്തു. ഞാനെന്തിന് അതേക്കുറിച്ച് പറയണമെന്ന് ചോദിച്ചപ്പോഴാണ് എനിക്ക് നിന്നെ ഇഷ്ടമാണെന്ന് അദ്ദേഹം പറഞ്ഞത്.

പെട്ടെന്ന് ഞാന്‍ യെസ് പറഞ്ഞില്ല . എനിക്ക് സമയം വേണം എന്ന് പറഞ്ഞു. പിന്നീട് ക്രിസ്മസ് ദിനത്തിലാണ് ഞാന്‍ ഇഷ്ടമാണെന്ന് അറിയിച്ചത് . 9 വര്‍ഷത്തോളം ഞങ്ങള്‍ പ്രണയിച്ചു. പിന്നീട് ആയിരുന്നു വിവാഹം. ഇനിയൊരു വിവാഹം വേണ്ടേ എന്നൊക്കെ ചിലര്‍ ചോദിച്ചിരുന്നുവെന്ന് മേഘ്‌ന പറഞ്ഞു. മകനൊപ്പം സന്തോഷത്തോടെ കഴിയാനാണ് താനാഗ്രഹിക്കുന്നതെന്ന് നടി പറഞ്ഞു.