വിവാഹത്തിന് ഇനി ദിവസങ്ങള്‍ മാത്രം ബാക്കി; നടന്‍ നൂബിന്‍ ജോണിയുടെ വധു ആരെന്ന് അറിയുമോ ?

ഓരോ ദിവസം കഴിയുന്തോറും പ്രേക്ഷകരുടെ പ്രിയപ്പെട്ട പരമ്പര ആയി മാറിക്കൊണ്ടിരിക്കുകയാണ് കുടുംബ വിളക്ക്. റേറ്റിങ്ങില്‍ ഒന്നാമത് നില്‍ക്കുന്ന സീരിയലിന് കാഴ്ചക്കാരും ഏറെയാണ്. സംഭവബഹുലമായ കഥയിലൂടെയാണ് കുടുംബ വിളക്ക് ഇപ്പോള്‍ മുന്നോട്ടു പോകുന്നത്. ഇതില്‍ സുമിത്ര എന്ന കഥാപാത്രത്തിന്റെ മകനായിട്ട് എത്തുന്നത് നടന്‍ നൂബിന്‍ ജോണിയാണ്. പ്രതീഷ് എന്ന കഥാപാത്രത്തെയാണ് ഇതില്‍ നൂബിന്‍ അവതരിപ്പിക്കുന്നത്.

സോഷ്യല്‍ മീഡിയയില്‍ സജീവമായ നൂബിന്‍ തന്റെ വിവാഹത്തെക്കുറിച്ച് നേരത്തെ പറഞ്ഞിരുന്നു. ഇപ്പോഴിതാ കാമുകിക്കൊപ്പം ഉള്ള മനോഹരമായ ഒരു വീഡിയോ പങ്കുവെച്ച് , വിവാഹത്തിന് ഇനി ദിവസങ്ങള്‍ മാത്രമേ ബാക്കിയുള്ളൂ എന്ന് അറിയിച്ചിരിക്കുകയാണ് നടന്‍. ഇതിന് താഴെ താരത്തിന് ആശംസ അറിയിച്ച് നിരവധി പേരാണ് എത്തിയത് . എന്നാല്‍ വീഡിയോയില്‍ ഭാവി ഭാര്യയുടെ മുഖം നടന്‍ കാണിച്ചിട്ടില്ല.

ആറു വര്‍ഷത്തെ പ്രണയത്തിനു ശേഷം ആണ് ഇവര്‍ ഒന്നിക്കാന്‍ പോകുന്നത്. ആള് ഡോക്ടര്‍ ആണെന്നും, തന്റെ കരിയറില്‍ ഒരുപാട് സപ്പോര്‍ട്ട് ചെയ്യുന്ന ആള്‍ ആണെന്ന് പ്രതീഷ് നേരത്തെ പറഞ്ഞിരുന്നു. എന്നാല്‍ പങ്കാളിയെ കുറിച്ചുള്ള കൂടുതല്‍ വിവരങ്ങള്‍ പുറത്തുവിട്ടിട്ടില്ല.

നേരത്തെ തന്നെ കുടുംബത്തെക്കുറിച്ച് നൂബിന്‍ പറഞ്ഞിരുന്നു. അച്ഛനും അമ്മയും ചേട്ടനും അടങ്ങുന്നതാണ് നടന്റെ കുടുംബം. തന്റെ അഭിനയ ജീവിതത്തിലും അവര്‍ ഒരുപാട് പിന്തുണ നല്‍കുന്നുണ്ടെന്നും താരം പറഞ്ഞിരുന്നു. തന്റെ ലക്ഷ്യം ഒരു സിനിമ ചെയ്യുക എന്നതാണെന്നും നൂബിന്‍ വ്യക്തമാക്കിയിരുന്നു