എന്റെ പൊന്നേ എന്നാ റൊമാന്റികാ ഇത്; ശിവന്‍ അങ്ങനെ കാര്യങ്ങള്‍ തുറന്ന് പറഞ്ഞ് അഞ്ജലിയോട്

ആരാധകര്‍ ഏറെയുള്ള പരമ്പരയാണ് സ്വാന്തനം. കുടുംബ പശ്ചാതലത്തില്‍ ഒരുക്കിയ പരമ്പരയില്‍ പുതുമുഖങ്ങളും ഉണ്ട്. എല്ലാവരുടെയും മികവുറ്റ അഭിനയവും സീരിയല്‍ കഥയുടെ മികവെല്ലാം ആരാധകരെ വാരികൂട്ടി കൊണ്ടിരിക്കുകയാണ്. ഓരോ എപ്പിസോഡും ത്രില്ലടിപ്പിച്ച് കൊണ്ട് തന്നെയാണ് മുന്നേറുന്നത്. മിനിസ്‌ക്രീനില്‍ സ്വാന്തനം ഇപ്പോള്‍ റേറ്റിംഗില്‍ ഒന്നാമതാണ്.

ഇതില്‍ ശിവാഅഞ്ജലി കഥ തന്നെയാണ് എടുത്ത് പറയേണ്ടത്. തല്ലും പിടിയും ആയിരുന്ന ഇവര്‍ ഇപ്പോള്‍ പിരിയാന്‍ ആകാത്ത അത്ര അടുത്തിരിക്കുകയാണ്. കിഞ്ഞ ദിവസത്തെ എപ്പിസോഡെല്ലാം കിടിലന്‍ എന്ന് പറയാതിരിക്കാന്‍ പറ്റില്ല. ശിവന്റെ അഭിനയം ഉഗ്രന്‍ തന്നെ. ഇപ്പോള്‍ ദേശ്യമൊക്കെ മാറ്റിവെച്ച് ഒരു നല്ല ഭര്‍ത്താവായിരിക്കുകയാണ് ശിവന്‍. തന്റെ ഭാര്യയുടെ ഓരോ നോവിലും ശിവന്‍ പങ്കുചേരുന്നത് പ്രേക്ഷകര്‍ കണ്ടതാണ്.

ഹരിയും അപ്പുവും പ്രണയിച്ച് വിവാഹം കഴിച്ചതാണ് എന്നാല്‍ ഇപ്പോള്‍ ഇവര്‍ക്കിടിയിലാണ് പ്രശ്നങ്ങള്‍ നടന്ന്കൊണ്ടിരിക്കുന്നത്. കഥയുടെ പോക്ക് കണ്ടിട്ട് അപ്പുവും ഹരിയും തെറ്റാനും, ശിവാഅഞ്ജലി പിരിയാന്‍ കഴിയാത്ത അത്ര അടുക്കാനുമുള്ള സാധ്യതയുണ്ട്.

പിറന്നാള്‍ ദിവസം അപ്പുവിനെ സന്തോഷിപ്പിക്കാന്‍ അഞ്ജലി അപ്പു അറിയാതെ ചില പരിപാടികള്‍ ഒപ്പിച്ചിരുന്നു. എന്നാല്‍ ഇപ്പോള്‍ ഇതെല്ലാം അഞ്ജലിക്ക് നേരെ കുറ്റമായി വന്നിരിക്കുകയാണ് . ഇതിന് അപ്പുവിന്റെ വായില്‍ നിന്നും അഞ്ജലിക്ക് നല്ലവണ്ണം കേള്‍ക്കുകയും ചെയ്തു. അതില്‍ സംങ്കടപ്പെട്ട് നില്‍ക്കുന്ന അഞ്ജലിയെ ശിവന്‍ പറഞ്ഞ് സമാധാനിപ്പിക്കുകയാണ് ഇപ്പോള്‍. ഇത് കേട്ടതോടെ അഞ്ജലിയുടെ സംങ്കടം എല്ലാം മാറി. ശിവന് ഇങ്ങനെ പെരുമാറാന്‍ അറിയോ എന്നാണ് ഇപ്പോള്‍ അഞ്ജലി ചിന്തിക്കുന്നത്.