മഹാലക്ഷ്മിക്ക് ആരാധകര്‍ ഒരുക്കിയ കിടിലന്‍ സര്‍പ്രൈസ് സമ്മാനം; ഇന്ന് വൈകിട്ടോടെ ആഘോഷങ്ങള്‍ തുടങ്ങുമെന്ന് ഫാന്‍സ് ഗ്രൂപ്പ്

അച്ഛനയെയും അമ്മയെയും പോലെ താരമായി കൊണ്ടിരിക്കുകയാണ് മകള്‍ മഹാലക്ഷ്മിയും. ദിലീപിന്റെയും കാവ്യയുടെയും മകള്‍ മഹാലക്ഷ്മിയുടെ വളരെ കുറച്ച് ചിത്രങ്ങള്‍ മാത്രമേ സോഷ്യല്‍ മീഡിയയില്‍ എത്തിയിട്ടുള്ളു. ഈ താരപുത്രിക്ക് ആരാധകര്‍ ഏറെയാണ്. ഇന്ന് മഹാലക്ഷ്മിയുടെ ജന്മദിനമാണ്. കഴിഞ്ഞ ദിവസം തൊട്ട് തന്നെ മഹാലക്ഷ്മിയുടെ പിറന്നാളാഘോഷം തുടങ്ങിക്കഴിഞ്ഞു. നിരവധി പേരാണ് ഈ മിടുക്കിക്ക് പിറന്നാള്‍ ആശംസ അറിയിച്ച് രംഗത്ത് എത്തുന്നത്.

മഹാലക്ഷ്മിക്ക് വേണ്ടി ആരാധകര്‍ കിടിലന്‍ സര്‍പ്രൈസ് ആണ് ഒരുക്കിയിരിക്കുന്നത് എന്ന റിപ്പോര്‍ട്ടാണ് ഇപ്പോള്‍ ഫാന്‍സ് ഗ്രൂപ്പിലൂടെ പുറത്തുവരുന്നത്. ഇന്നു വൈകിട്ടാണ് മഹാലക്ഷ്മിയുടെ പിറന്നാളാഘോഷങ്ങള്‍ക്ക് തുടക്കമാവുക എന്നും ഫാന്‍സ് ഗ്രൂപ്പ് അറിയിച്ചു. ഇന്ന് രാത്രി എട്ടുമണിക്ക് ദിലീപും കാവ്യയും അഭിനയിച്ച ചില ചിത്രങ്ങളില്‍ നിന്നും കട്ട് ചെയ്‌തെടുത്ത ചില ഭാഗങ്ങള്‍ മഹാലക്ഷ്മിയുടെ മീനാക്ഷിയുടെ ചിത്രങ്ങള്‍ ചേര്‍ത്ത് വച്ചുള്ള ഒരു വീഡിയോയും പുറത്തുവരുമെന്നും റിപ്പോര്‍ട്ടില്‍ പറയുന്നു. അങ്ങനെ ഒന്നിനുപുറകെ ഓരോ സര്‍പ്രൈസ് ആണ് ആരാധകര്‍ മഹാലക്ഷ്മിക്ക് വേണ്ടി ഒരുക്കി കൊണ്ടിരിക്കുന്നത്.

നേരത്തെ മഹാലക്ഷ്മി ആദ്യാക്ഷരം കുറിക്കുന്ന ചിത്രം പുറത്തുവന്നിരുന്നു. ഇന്ന് ഞങ്ങളുടെ മഹാലക്ഷ്മി ആദ്യാക്ഷരം കുറിച്ചു. ശ്രീശങ്കരന്റെ ദിവ്യസാന്നിദ്ധ്യം നിറഞ്ഞ ആവണംകോട് സരസ്വതി ക്ഷേത്രനടയില്‍. ആദ്യാക്ഷരം അമ്മയാണ്, എല്ലാത്തിന്റേയും പ്രഭവം. മഹാലക്ഷ്മിയെ സരസ്വതി ദേവി അനുഗ്രഹിക്കട്ടെ…എല്ലാവരുടെയും അനുഗ്രഹവും പ്രാര്‍ത്ഥനയും ഉണ്ടാകണം എന്നാണ് ചിത്രങ്ങള്‍ പങ്കുവെച്ച് ദിലീപ് പറഞ്ഞത്.

അതേസമയം ഇടയ്ക്കിടെ അമ്മയ്ക്കും അച്ഛനും ഒപ്പം ഉള്ള കുട്ടിതാരത്തിന്റെ വീഡിയോ സമൂഹ മാധ്യമങ്ങളില്‍ ഇടം പിടിക്കാറുണ്ട്. വല്ലപ്പോഴും മാത്രമേ മഹാലക്ഷ്മിയുടെ മുഖം വ്യക്തമാകുന്ന ചിത്രങ്ങള്‍ പുറത്തുവിടാര്‍ ഉള്ളു.