ഞാനൊരു മലയാളിയാണ് വർഗീയലഹള ഉണ്ടാക്കിയ ശേഷം കേരളത്തിൽ വന്ന് താമസിക്കാൻ പറ്റില്ല. തുറന്നടിച്ച് ലൗ ജിഹാദ് സംവിധായകൻ.

ബാഷ് മുഹമ്മദ് കഥയും സംവിധാനവും നിർവഹിക്കുന്ന ഏറ്റവും പുതിയ ചിത്രമാണ് ലവ് ജിഹാദ്. ഇതിൻറെ ടീസർ കുറച്ചു മുൻപ് പുറത്തിറങ്ങിയിരുന്നു. പുറത്തിറങ്ങിയതിന് പിന്നാലെ ചിത്രത്തിനെതിരെ രൂക്ഷ വിമർശനമാണ് ഉയർന്നത്. ടീസറിൽ പർദ്ദയെ കുറിച്ചുള്ള പരാമർശം ഉണ്ടായിരുന്നു. ഇതാണ് പലർക്കും ഇഷ്ടപ്പെടാതെ പോയത്.

ഇപ്പോഴിതാ സംവിധായകൻ വിമർശകർക്ക് മറുപടിയുമായി എത്തിയിരിക്കുകയാണ്. അദ്ദേഹം പറയുന്നത് ഇങ്ങനെ. ഒരു മലയാളിയാണ് താൻ. വർഗീയലഹള ഉണ്ടാക്കിയശേഷം നാളെ കേരളത്തിൽ വന്ന് താമസിക്കാൻ തനിക്ക് കഴിയില്ല. ഒരു മതത്തിനും ഒരു ചലച്ചിത്ര പ്രവർത്തകൻ എന്ന നിലയിൽ എതിരല്ല. ഉള്ളടക്കം സെൻസർ ചെയ്തു വേണം അടുത്ത ടീസർ ഇറക്കാൻ.

ചിത്രത്തിൻറെ പേരിന് എതിരെയും വ്യാപക ആക്രമണം നടക്കുന്നുണ്ട്. ജിഹാദ് എന്ന വാക്കിന് വലതുപക്ഷം നൽകിയ വ്യാഖ്യാനം തന്നെ തെറ്റാണ്. സിനിമ കാണുന്നതിനു മുൻപ് മുൻവിധി ഉണ്ടാവുക എന്നത് സംവിധായകനെന്ന നിലയിൽ അസ്വസ്ഥമാക്കുന്നതാണ്. ഒരു കലാപത്തിന് ആഹ്വാനം ചെയ്യുകയല്ല താൻ ചെയ്യുന്നത്.

ഒരു സിനിമയാണ് താൻ എടുക്കുന്നത്. പ്രബുദ്ധരായ മലയാളികൾ ക്ക് വേണ്ടിയുള്ള സിനിമയാണ്. അത് കണ്ട് കഴിഞ്ഞശേഷമാണ് ചർച്ച വേണ്ടത്. സംവിധായകൻ തുറന്നുപറയുന്നു.