തമിഴ് സിനിമ പ്രേമികള് വന് പ്രതീക്ഷയോടെ കാത്തിരിക്കുന്ന ചിത്രമാണ് ലിയോ. മാസ്റ്ററിന് ശേഷം വിജയ്-ലോകേഷ് കനകരാജ് ഒന്നിക്കുന്ന ചിത്രമെന്ന നിലയ്ക്കും വിക്രത്തിന് ശേഷം ലോകേഷ് ഒരുക്കുന്ന സിനിമ എന്ന നിലയ്ക്കും വലിയ പ്രതീക്ഷയോടെയാണ് ചിത്രത്തിനായി സിനിമ പ്രേമികള് കാത്തിരിക്കുന്നത്.
സിനിമ പ്രേമികള് ഒന്നടങ്കം കാത്തിരുന്ന ചിത്രത്തിന് കുറച്ച് നാള് മുന്പ് പേരിട്ടിരുന്നു. ലിയോ എന്നായിരുന്നു ചിത്രത്തിന് പേരിട്ടത്. ചിത്രത്തിന്റെ പേര് ചിലര്ക്ക് ഇഷ്ടപ്പെടുകയും ചിലര്ക്ക് ഇഷ്ടപ്പെടാതിരിക്കുകയും ചെയ്തിരുന്നു.
ഇപ്പോഴിത ചിത്രത്തിന്റെ പേരില് വിജയ്ക്ക് എതിരെ വിമര്ശനവുമായി എത്തിയിരിക്കുകയാണ് സംവിധായകനും നാം തമിഴര് കക്ഷി നേതാവുമായ സീമന്.
വിജയ് നായകനാകുന്ന ഏറ്റവും പുതിയ ചിത്രമായ ‘ലിയോ’യുടെ ടൈറ്റില് മാറ്റണമെന്നാണ് സീമന് ആവശ്യപ്പെടുന്നത്.
മാതൃഭാഷയെ സംരക്ഷിക്കേണ്ടതുണ്ടെന്നും ഈ ഉത്തരവാദിത്വം വിജയ്ക്കും ഉണ്ടെന്നും സീമന് പറഞ്ഞു. തമ്പി, വാഴ്ത്തുകള് തുടങ്ങിയ ചിത്രങ്ങള് ഒരുക്കിയിട്ടുള്ള സംവിധായകനാണ് സീമന്.
നമ്മുടെ മാതൃഭാഷ നമ്മള് സംരക്ഷിക്കേണ്ടതുണ്ട്. സഹോദരന് വിജയ്ക്കും ഈ ഉത്തരവാദിത്വമുണ്ട്. സിനിമകള്ക്ക് തമിഴ് പേരുകള് മാത്രം ഉപയോഗിച്ചിരുന്ന സമയമുണ്ടായിരുന്നു.
ഇപ്പോഴത് ഇംഗ്ലീഷിലേയ്ക്ക് മാറുകയാണ്. ബിഗില് പോലുള്ള പോലുള്ള ഇംഗ്ലീഷ് ടൈറ്റിലുകള് ഉപയോഗിക്കുന്നു. ഇത് മാറണം, സീമന് പറഞ്ഞു. സംവിധായകന്റെ വാക്കുകള് തമിഴ് ഭാഷ സ്നേഹികള്ക്കിടയില് ശ്രദ്ധ നേടുന്നുണ്ട്.
അതേസമയം വന് താരനിരയുമായിട്ടാണ് ദളപതി ചിത്രം എത്തുന്നത്. തൃഷ, സഞ്ജയ് ദത്ത്, അര്ജുന്, പ്രിയ ആനന്ദ്, മിഷ്കിന്, ഗൗതം മേനോന്, മണ്സൂര് അലി ഖാന് എന്നിവരടങ്ങുന്ന വമ്പന് താരനിരയുമായാണ് ലിയോ എത്തുന്നത്. സെവന് സ്ക്രീന് സ്റ്റുഡിയോസിന്റെ ബാനറില് എസ്.എസ്. ലളിത് കുമാറാണ് ചിത്രം നിര്മിക്കുന്നത്.