ലളിത ചേച്ചിയോട് ചോദിക്കാതെ മണിച്ചിത്രത്താഴിലെ ആ പ്രശസ്ത സീൻ ഷൂട്ട് ചെയ്തു, കൂടുതൽ പണം തന്നാൽ മാത്രമേ ഡബ് ചെയ്യാൻ പറ്റുള്ളൂ എന്ന് ലളിത ചേച്ചി – ഒടുവിൽ ചേച്ചിയെ അണിയറക്കാർ തണുപ്പിച്ചത് ഇങ്ങനെ

മലയാളത്തിൽ ഉണ്ടായ ഏറ്റവും മികച്ച ചിത്രങ്ങളുടെ പട്ടിക എടുത്താൽ മുൻ നിരയിൽ ഉണ്ടാകും മണിച്ചിത്രത്താഴ്. ഏതാണ്ട് 25 വർഷങ്ങൾക്കു മുന്നേ ആണ് ഈ ചിത്രം എടുത്തത്. മോഹൻ ലാൽ, സുരേഷ് ഗോപി, ശോഭന, കെപിഎസി ലളിത, കുതിര വട്ടം പപ്പു, നെടു മുടി വേണു തുടങ്ങിയ ഒട്ടേറെ അഭിനയ പ്രതിഭകൾ എല്ലാം ഈ ചിത്രത്തിൽ ഒന്നിച്ചിട്ടുണ്ട്. 1993-ലാണ് ചിത്രം പ്രദർശനത്തിനെത്തുന്നത്. ഒരു വർഷത്തോളമാണ് ചിത്രം തുടർച്ചയായി കേരളത്തിൽ ഓടിയത്. മികച്ച സാമ്പത്തിക ലാഭവും നേടിയെടുത്തു. ഫാസിൽ ആയിരുന്നു ഈ ചിത്രം സംവിധാനം ചെയ്തത്.

ഒരുപാട് വർഷങ്ങൾക്കു ശേഷം ചിത്രം മറ്റു ഭാഷകളിലേക്ക് റീമേക്ക് ചെയ്യപ്പെടുകയുണ്ടായി. മനുഷ്യ മനസ്സിലെ ദുരൂഹത കളിലേക്ക് ആണ് ചിത്രം വിരൽ ചൂണ്ടിയത്. ചിത്രത്തിലെ പ്രധാന രംഗങ്ങളിൽ ഒന്നാണ് ശോഭന സുരേഷ് ഗോപിയോട് ദേഷ്യപ്പെടുന്ന രംഗം. ഐകോണിക്ക് എന്നൊക്കെ വിളിക്കാവുന്ന ഒരു സീൻ ആണ് ഇത്. ദുഃഖകരമായ വസ്തുത എന്തെന്നാൽ മറ്റു ഭാഷകളിലെ നടിമാർക്കും ഒന്നും ഇത്രയും പെർഫെക്ഷൻനോടെ അത് ചെയ്യുവാൻ കഴിഞ്ഞില്ല എന്നതാണ്. ചിലർ തനി കോമാളിത്തരം സ്ക്രീനിൽ കാണിച്ചു വെക്കുകയും ചെയ്തു. മലയാള സിനിമയുടെ, മലയാളത്തിലെ അഭിനേതാക്കളുടെ റെയിഞ്ച് വ്യക്തമാക്കുന്ന ഒരു ഘടകം മാത്രമാണ് ഈ സീൻ.

ചിത്രത്തിൽ ഹാസ്യം കലർന്ന ഒരു കഥാപാത്രമാണ് കെപിഎസി ലളിതയുടെത്. പ്രേക്ഷകരെ കുടുകുടെ ചിരിപ്പിച്ച സീനുകളിൽ ഒന്നാണ് കെപിഎസി ലളിതയും മോഹൻലാലും തൊട്ടടുത്ത ബാത്റൂമുകളിൽ കുളിക്കുന്ന ഒരു സീൻ. കുളിക്കാൻ കേറുന്ന മോഹൻ ലാൽ കെപിഎസി ലളിതയുടെ മുണ്ട് എടുത്തു ഉടുക്കുകയും പിന്നീട് അവർ തമ്മിൽ ഉണ്ടാകുന്ന സംഭാഷണവും ആണ് ഇത്. എന്നാൽ അമ്പരപ്പിക്കുന്ന മറ്റൊരു രഹസ്യമാണ് ഇപ്പോൾ പുറത്തു വരുന്നത്. ചിത്രത്തിൽ ഇങ്ങനെയൊരു രംഗം ഉണ്ടെന്ന കാര്യം കെപിഎസി ലളിതയ്ക്ക് അറിവുണ്ടായിരുന്നില്ല എന്നതാണത്.

താരം ഡബ്ബിങ്ങിന് എത്തുമ്പോൾ മാത്രമാണ് ഈ സീനിനെ കുറിച്ച് അറിയുന്നത്. ഇതറിഞ്ഞതോടെ ദേഷ്യം വന്ന് കേ പി എസി ലളിത ഫാസിലിനോടു ചൂടായി. താൻ ഇത് നേരത്തെ അറിഞ്ഞില്ലെന്നും തന്നോട് ചോദിക്കാതെ എങ്ങനെയാണ് ഈ സീൻ ഷൂട്ട് ചെയ്തത് എന്നാണ് ലളിത പറഞ്ഞത്. ഇതു താൻ ഡബ്ബ് ചെയ്യില്ലെന്നും പറഞ്ഞു. വേറെ ക്യാഷ് തന്നാൽ മാത്രം ഡബ്ബ് ചെയ്യുകയുള്ളൂ എന്നും അറിയിച്ചു . അങ്ങനെ ഡബ്ബിങ് നിർത്തി. പിന്നീട് അസോസിയേറ്റ് ഡയറക്ടർ പറഞ്ഞ് ഒരു തമാശയാണ് താരത്തെ തണുപ്പിച്ചത്. ചേച്ചിയുടെ കുളി സീൻ ഇടാത്തത് നല്ലതല്ലേ എന്നാണ് അസോസിയേറ്റ് ഡയറക്ടർ ആയ ഷാജി പറഞ്ഞത്. ഇതു കേട്ടതോടെ കെപിഎസി ലളിത ചിരിക്കുകയായിരുന്നു.