ഒരു ഹവായ് ചെരിപ്പൊക്കെയിട്ടാണ് വന്നത്, ബാക്കിയെല്ലാവരും മേക്കപ്പിലായിരുന്നു; അനുശ്രീയെ കുറിച്ച് ലാല്‍ ജോസ്

മലയാള സിനിമയ്ക്ക് ഒരുപാട് നടിമാരെ സമ്മാനിച്ച സംവിധായകനാണ് ലാല്‍ ജോസ് . നടി അനുശ്രീയെയും സിനിമയിലേക്ക് പ്രവേശിപ്പിച്ചത് അദ്ദേഹം തന്നെ. ഇപ്പോള്‍ വിശേഷം പങ്കുവയ്ക്കുന്നതിനിടെ അനുശ്രീയെ കുറിച്ച് ലാല്‍ ജോസ് പറഞ്ഞ വാക്കുകളാണ് വൈറലാകുന്നത്.

അനുശ്രീ നല്ല ധൈര്യമുള്ള കുട്ടിയാണ് . അത് മണ്ടന്‍ ധൈര്യമാണോ ശരിക്കുള്ള ധൈര്യമാണോ എന്ന് എനിക്ക് മനസ്സിലായിട്ടില്ല. ഞാനുമായി ഇന്ററാക്റ്റ് ചെയ്തായിരുന്നു ആ റിയാലിറ്റി ഷോയിലെ ആദ്യ ഭാഗം. അന്ന് ഒരു ഹവായ് ചെരുപ്പൊക്കെ ഇട്ട് വീട്ടില്‍ നില്‍ക്കുന്നതുപോലെയായിരുന്നു അവള്‍ വന്നത്. ഞാന്‍ നിന്നെ സെലക്ട് ചെയ്തില്ലായിരുന്നുവെങ്കില്‍ എന്തു ചെയ്യുമായിരുന്നു എന്ന് അനുശ്രീയോട് ചോദിച്ചപ്പോള്‍ അനുശ്രീ തന്ന മറുപടി ഇങ്ങനെ. സാര്‍ അല്ലെങ്കില്‍ വേറൊരു സാര്‍ , ഞാന്‍ എന്തായാലും സിനിമയില്‍ വരും എന്ന്.

അനുശ്രീ ഒരുപാട് കാര്യങ്ങള്‍ ഫേസ് ചെയ്യേണ്ടി വന്നിട്ടുണ്ടെന്നും അദ്ദേഹം പറഞ്ഞു . ആദ്യ സിനിമയുടെ ഷൂട്ടിന് ദുബായിലേക്ക് പോയപ്പോള്‍ അവളുടെ അമ്മ നോക്കാന്‍ ആളില്ലാത്തതിനാല്‍ പശുവിനെ കൊടുത്തിരുന്നു ലാല്‍ ജോസ് പറഞ്ഞു, വിചിത്രമായ ജീവിതാനുഭവങ്ങളിലൂടെ കടന്നുവന്നവരാണ് വിജയിക്കുന്നത് എന്നും ലാല്‍ ജോസ് കൂട്ടിച്ചേര്‍ത്തു.

ലാല്‍ ജോസിന്റെ പുതിയ സിനിമയായ സോളമന്റെ തേനീച്ചകള്‍ക്ക് ആശംസ അറിയിച്ച് അനുശ്രീയും എത്തിയിരുന്നു. എന്റെ ഹൃദയത്തില്‍ വലിയൊരു പൊസിഷന്‍ കൊടുത്തിട്ടുള്ളയാളാണ് അദ്ദേഹം. ഞാനെന്തെങ്കിലും ആയിട്ടുണ്ടെങ്കില്‍ അതില്‍ ഏറ്റവും കൂടുതല്‍ പങ്കുള്ളയാള്‍. എന്റെ ദൈവത്തിനൊപ്പമായാണ് ഞാന്‍ അദ്ദേഹത്തെ വെച്ചിട്ടുള്ളയാളാണ്. അദ്ദേഹത്തിന് വേണ്ടി ചെയ്യാന്‍ പറ്റുന്ന എന്ത് കാര്യവും ഞാന്‍ ചെയ്യും. അതെന്നും അങ്ങനെ തന്നെയായിരിക്കുമെന്നും അനുശ്രീ പറഞ്ഞിരുന്നു. ഞങ്ങളൊക്കെ ഇവിടത്തന്നെയുണ്ടെന്നും ഇനിയും ഒരുപാടുപേരെ കൊണ്ടുവരണ്ടെന്നും തമാശയായി അനുശ്രീ പറഞ്ഞിരുന്നു.