വണ്ണം കുറയ്ക്ക് കൂടുതൽ ഭംഗിയുണ്ടാവും എന്ന് കമൻറ്. ഇതിന് ലക്ഷ്മി നൽകിയ മറുപടി കണ്ടോ? ആ പറഞ്ഞത് കലക്കി എന്ന് മലയാളികൾ.

മലയാളികൾക്ക് സുപരിചിതനായ നടനും അവതാരകനുമായ എല്ലാമാണ് ആർ.ജെ മിഥുൻ. ഒരു ആർ ജെ എന്നനിലയിലാണ് തുടക്കത്തിൽ മിഥുനെ മലയാളികൾ പരിചയപ്പെടുന്നത്. പിന്നീട് താരം ബിഗ് സ്ക്രീനിലേക്ക് എത്തി. അതിനുശേഷം മിനി സ്ക്രീനിൽ സജീവമാകാൻ തുടങ്ങി മിഥുൻ. ഇപ്പോൾ ഒരു നടൻ എന്നതിലും അപ്പുറം മികച്ച ഒരു അവതാരകനായി ആണ് മലയാളികൾ മിഥുനെ കാണുന്നത്. വളരെ വ്യത്യസ്തവും മികവാർന്നതുമായ അവതരണ ശൈലിയാണ് മിഥുൻ കൊണ്ടുവന്നത്.

സാമൂഹ്യ മാധ്യമങ്ങളിലും വളരെ സജീവമാണ് താരം. തൻറെ കുടുംബത്തോടൊപ്പമുള്ള വിശേഷങ്ങളും താരം സ്ഥിരമായി പങ്കുവയ്ക്കാറുണ്ട്. മിഥുൻ്റെ ഭാര്യയെയും മലയാളികൾക്ക് സുപരിചിതം. വ്ലോഗറായ ലക്ഷ്മി മേനോൻ ആണ് മിഥുൻ്റെ ഭാര്യ. ഒരുപാട് ആരാധകരുള്ള ഒരു വ്ലോഗറാണ് ലക്ഷ്മി. ലക്ഷ്മിയും സാമൂഹ്യമാധ്യമങ്ങളിൽ വളരെ സജീവം.

ഇപ്പോൾ ശരീര വണ്ണത്തിന്റെ പേരിൽ തനിക്ക് വന്ന ഒരു സന്ദേശത്തിന് മറുപടി പറയുകയാണ് താരം. ഇൻസ്റ്റഗ്രാം സ്റ്റോറിയിലൂടെയാണ് ഈ സന്ദേശത്തോട് താരം പ്രതികരിച്ചത്. ചേച്ചി വണ്ണം കുറയ്ക്കൂ, നല്ല ഭംഗിയുണ്ടാവും എന്നാണ് കമൻറ് വന്നത്. ഇതിൻറെ സ്ക്രീൻഷോട്ടും ലക്ഷ്മി പങ്കുവെച്ചിരുന്നു.

തന്നോടുള്ള സ്നേഹം കൊണ്ടാണ് ഈ സന്ദേശം അയച്ച വ്യക്തി ഇങ്ങനെ പറഞ്ഞത് എന്ന് മനസ്സിലാക്കുന്നു എന്ന് ലക്ഷ്മി പറഞ്ഞു. പക്ഷേ ഈ ശരീരത്തിൽ താൻ വളരെ സന്തോഷവതിയാണ് എന്നും താരം കൂട്ടിച്ചേർത്തു. ഇങ്ങനെ തന്നെ ക്യാമറയ്ക്ക് മുന്നിൽ വരുന്നതിൽ തനിക്ക് പ്രശ്നമില്ല എന്നും ലക്ഷ്മി പറയുന്നു.