‘ ന്നാ താൻ കിസ്സ് കൊട് എന്നല്ല സിനിമയുടെ പേര്’. അവതാരകയ്ക്ക് മാസ് മറുപടി കൊടുത്തു ചാക്കോച്ചൻ.

കുഞ്ചാക്കോ ബോബൻ എന്ന നടനെ മലയാളികൾക്ക് പരിചയപ്പെടുത്തി കൊടുക്കേണ്ട ആവശ്യമില്ല. വർഷങ്ങളായി മലയാളികളുടെ മനസ്സിൽ പതിഞ്ഞിരിക്കുന്ന പേരാണ് ഇദ്ദേഹത്തിന്റെത്. ഒരു സിനിമ കുടുംബത്തിൽ നിന്നുമാണ് കുഞ്ചാക്കോ ബോബൻ സിനിമയിലേക്ക് എത്തുന്നത്. എങ്കിലും താരം ഒരുപാട് കഷ്ടപ്പെട്ടു ഇന്നീ കാണുന്ന നിലയിൽ എത്താൻ. ചോക്ലേറ്റ് നായകൻ ആയിട്ടാണ് സിനിമയിൽ താരം അരങ്ങേറുന്നത്.

കുറച്ചുകാലം കഴിഞ്ഞ് സിനിമയിൽ നിന്നും ഇടവേള എടുക്കുകയും ചെയ്തു താരം. പിന്നീട് വളരെ ശക്തമായി തിരിച്ചുവരവാണ് ചാക്കോച്ചൻ നടത്തിയത്. തന്നിലെ അഭിനേതാവിനെ ഓരോ തവണയും പാകപ്പെടുത്തി മിനുക്കി മുന്നേറുകയായിരുന്നു പിന്നീട് അങ്ങോട്ട്. ഇപ്പോൾ ചാക്കോച്ചൻ നായകനായി എത്തുന്ന ഏറ്റവും പുതിയ ചിത്രമാണ് താൻ ന്നാ കേസ് കൊട്.

പ്രശസ്ത സംവിധായകൻ രതീഷ് ബാലകൃഷ്ണൻ പൊതുവാൾ ആണ് ചിത്രം സംവിധാനം ചെയ്യുന്നത്. ഇപ്പോൾ ഇതാ ഒരു അഭിമുഖത്തിൽ താരം പറഞ്ഞ ചില കാര്യങ്ങൾ ശ്രദ്ധ നേടുകയാണ്. സിനിമയുടെ പ്രമോഷനുമായി ബന്ധപ്പെട്ട അഭിമുഖം ആയിരുന്നു ഇത്. ഈ ചിത്രത്തിലും ചാക്കോച്ചന്റെ ചുംബന രംഗം ഉണ്ടോ എന്നായിരുന്നു അവതാരകയുടെ ചോദ്യം. ഇതിന് നല്ല കിടുക്കൻ മറുപടിയാണ് താരം നൽകിയത്.

ന്നാ താൻ കിസ് കൊട് എന്നല്ല സിനിമയുടെ പേര് എന്നാണ് ചാക്കോച്ചൻ നൽകിയ മറുപടി. എന്തായാലും ഈ മറുപടി ഇപ്പോൾ വൈറലാണ്. മുൻപ് ഭീമന്റെ വഴി എന്ന ചിത്രത്തിൽ ഇദ്ദേഹം ചെയ്ത ചുംബനരംഗം ഏറെ ശ്രദ്ധ നേടിയിരുന്നു. ചിത്രം ഓഗസ്റ്റ് 11ന് തിയേറ്ററുകളിൽ എത്തും എന്നാണ് സൂചന.