ഒടുവില്‍ സുമിത്രക്ക് രക്ഷകനായി സിദ്ധാര്‍ത്ഥ് ; തന്റെ ആദ്യഭാര്യയെ രക്ഷിക്കാന്‍ സിന്ധുവിന് കഴിയുമോ ? കാത്തിരുന്ന് കാണാം

ഓരോ ദിവസം കഴിയുംന്തോറും പ്രേക്ഷകരുടെ പ്രിയപ്പെട്ട പരമ്പര ആയി മാറിക്കൊണ്ടിരിക്കുകയാണ് കുടുംബ വിളക്ക്. റേറ്റിങ്ങില്‍ ഒന്നാമത് നില്‍ക്കുന്ന സീരിയലിന് കാഴ്ചക്കാരും ഏറെയാണ്. സംഭവബഹുലമായ കഥയിലൂടെയാണ് കുടുംബ വിളക്ക് ഇപ്പോള്‍ മുന്നോട്ടു പോകുന്നത്. സുമിത്ര സിദ്ധാര്‍ത്ഥ് ദമ്പതികള്‍ക്കിടയിലെ പ്രശ്‌നങ്ങളും ,പിന്നാലെയുള്ള വിവാഹമോചനം ഇതെല്ലാം ആണ് സീരിയല്‍ പറയുന്നത്.

സിദ്ധു മറ്റൊരു വിവാഹം കഴിച്ചപ്പോഴും തന്റെ ഭാഗത്ത് തെറ്റുകള്‍ മനസ്സിലാക്കി വൈകാതെ സുമിത്രയുടെ അടുത്തേക്ക് തന്നെ വരുമെന്ന് പ്രേക്ഷകര്‍ ഒന്നടങ്ങു പറഞ്ഞിരുന്നു , ഇപ്പോള്‍ സീരിയല്‍ കണ്ടിട്ട് ഏകദേശം ആ റൂട്ടിലേക്ക് എത്തി എന്ന് തന്നെ പറയാം, വേദിക തനിക്ക് ചേര്‍ന്ന ഒരു പെണ്ണ് ആയിരുന്നില്ലെന്ന് സിദ്ധുവിന് മനസ്സിലായി തുടങ്ങി.

ഇപ്പോഴിതാ കുടുംബ വിളക്കിന്റെ പ്രമോ വീഡിയോ കണ്ട് ഞെട്ടിയിരിക്കുകയാണ് പ്രേക്ഷകര്‍. പുതുവര്‍ഷം ആഘോഷിക്കാന്‍ വേണ്ടി വാഗമണ്ണിലേക്ക് പോയിരിക്കുകയാണ് ശ്രീനിലയത്തിലെ എല്ലാവരും. എന്നാല്‍ ഇതിനിടെയാണ് അപ്രതീക്ഷിതമായ സുമിത്രയെ കാണാതാവുന്നത്. എല്ലാവരും സുമിത്രയെ തിരഞ്ഞു നടക്കുന്നതും വീഡിയോയില്‍ കാണാം. ഒടുവില്‍ സിദ്ധു തന്നെയാണ് സുമിത്രയെ കണ്ടുപിടിക്കുന്നത്. കാലു തെറ്റി ഒരു കൊക്കയിലേക്ക് വീഴാന്‍ ശ്രമിക്കുന്നതിനിടെ സുമിത്രയെ സിദ്ധു രക്ഷിക്കുന്നതും ഇപ്പോള്‍ പുറത്തു വന്ന വീഡിയോയില്‍ കാണാം.

ഇത് കണ്ടതോടെ ആരാധകര്‍ ഒന്നടങ്കം ഞെട്ടി, സുമിത്ര രക്ഷപ്പെടുമോ എന്നൊരു സംശയവും പ്രേക്ഷകരിലുണ്ട്. അതേസമയം 500 എപ്പിസോഡ് പിന്നിട്ടതിന്റെ സന്തോഷവും താരങ്ങള്‍ പങ്കുവെച്ചു. സീരിയല്‍ അവസാനഘട്ടത്തിലേക്ക് കടക്കുന്നതിന്റെ സൂചനയും ലഭിച്ചു.