നടിയെ ആക്രമിച്ച കേസില് കാവ്യ മാധവനും പങ്കുണ്ടെന്ന സംശയം തുടക്കം മുതല് ഉണ്ടായിരുന്നു. കേസില് ക്രൈംബ്രാഞ്ച് നടത്തിയ അന്വേഷണത്തില് കാവ്യയുടെ ചില ശബ്ദരേഖകള് പുറത്തുവന്നിരുന്നു. ഇതിന്റെ അടിസ്ഥാനത്തില് കഴിഞ്ഞ ദിവസം നടിയെ ചോദ്യം ചെയ്തിരുന്നു. എന്നാല് പലതിനും വ്യക്തമായ മറുപടി കാവ്യ നല്കിയിട്ടില്ല എന്നാണ് അറിയാന് കഴിഞ്ഞത്. ഈ സാഹചര്യത്തില് കാവ്യയെ വീണ്ടും ചോദ്യം ചെയ്യേണ്ടിവരും എന്നും ഇവര് വ്യക്തമാക്കി.
അന്വേഷണസംഘം ആലുവയില പത്മ സരോവരം വീട്ടിലെത്തിയാണ് കാവ്യ ചോദ്യം ചെയ്തത്. രാവിലെ 11 മണിയോടെ ആരംഭിച്ച ചോദ്യംചെയ്യല് വൈകിട്ട് 5.30-നാണ് അവസാനിച്ചത്.
നടിയോട് ദിലീപിനും കാവ്യയ്ക്കും വ്യക്തിവൈരാഗ്യമുണ്ടെന്ന ആരോപണത്തെ കാവ്യ ഇന്നലെയും നിഷേധിച്ചു. ദിലീന്റെ സാമ്പത്തിക താല്പ്പര്യങ്ങളാണ് ക്വട്ടേഷന് കാരണമായതെന്ന വാദങ്ങളെ തള്ളുന്നതായിരുന്നു സഹോദരി ഭര്ത്താവ് ടി.എന്. സുരാജിന്റെ ശബ്ദരേഖ.
നടിയോട് കാവ്യ മാധവനുള്ള വ്യക്തിവൈരാഗ്യമാണ് ക്വട്ടേഷനിലേക്ക് നയിച്ചതെന്നായിരുന്നു സുരാജിന്റെ സബ്ദരേഖയില് വ്യക്തമാക്കുന്നത്. എന്നാല് തനിക്ക് യാതൊരു വിധ വ്യക്തിവൈരാഗ്യവും ഉണ്ടായിരുന്നില്ല എന്നു തന്നെയാണ് കാവ്യ ഇപ്പോഴും വാദിക്കുന്നത്. എന്നാല് പല ചോദ്യങ്ങള്ക്കും കൃത്യമായ ഉത്തരം നല്കാന് സാധിക്കാതെവരുന്നതായും നല്കുന്ന മൊഴികളില് പൊരുത്തക്കേടുകള് കണ്ടെത്തിയതായും അന്വേഷണ സംഘം ചൂണ്ടിക്കാട്ടുന്നു.