വിനീതേട്ടനെ പോലെ ഇത്രയും സോഫ്റ്റായ ഒരു മനുഷ്യനെ വേറേ കണ്ടിട്ടില്ല: കല്യാണി പ്രിയദര്‍ശന്‍

മലയാളത്തിന്റെ മികച്ച നായികയായിരുന്ന ലിസ്സിയുടെയും ലോക പ്രശസ്ത സംവിധായകൻ പ്രിയദർശന്റെയും മകളാണ് കല്യാണി പ്രിയദർശൻ. ഇപ്പൊ സൗത്ത് സിനിമ ഇൻഡസ്ട്രിയിൽ മുൻനിര നായികയാണ് കല്യാണി. തെലുങ്ക് ചിത്രങ്ങളിലൂടെ സിനിമ ലോകത്തേക്ക് കടന്നു വന്ന താരമാണ് കല്യാണി പ്രിയദര്‍ശന്‍. മലയാളത്തിലും താരത്തിന്റേതായ ചിത്രങ്ങള്‍ പുറത്ത് വന്നിരുന്നു.

അവ ഏറെ ശ്രദ്ധ നേടുകയും ചെയ്‌തു. ഈ താരപുത്രിയെ തേടി ഒന്നിന് പുറകെ ഒന്നായി മികച്ച അവസരങ്ങളാണ് സിനിമയില്‍ നിന്നും എത്തുന്നത്. വിനീത് ശ്രീനിവാസന്‍ പ്രണവിനെ നായകനാക്കി ഒരുക്കുന്ന ഹൃദയമാണ് താരത്തിന്റെതായി ഇനി പുറത്ത് ഇറങ്ങാനിരിക്കുന്ന ചിത്രം. അതേ സമയം വിനീത് വളരെ സോഫ്റ്റായ മനുഷ്യനാണെന്നും കല്യാണി ഇപ്പോള്‍ തുറന്ന് പറയുന്നുണ്ട്.

‘വിനീതേട്ടനെ പോലെ ഇത്രയും സോഫ്റ്റായ ഒരു മനുഷ്യനെ വേറേ കണ്ടിട്ടില്ല. സംസാരിക്കുമ്ബോള്‍ പോലും എത്ര ശാന്തനാണെന്നോ. കുട്ടിക്കാലം തൊട്ടേ പരിചയമുള്ള കുറേ പേരുടെ റീയൂണിയനാണ് ‘ഹൃദയം.’ അതുകൊണ്ടാകും ഭയങ്കര റിലാക്‌സ്ഡാണ്. ഇത്രയും നാള്‍ കണ്ടിട്ടുള്ള രീതികളേ അല്ല.

ചിത്രത്തിന്റെ സ്റ്റില്‍ ഷൂട്ടിങ് മൂന്നാറിലെ കോട്ടഗുഡിയിലായിരുന്നു. കൊച്ചിയില്‍ നിന്ന് ഒരു ബസിലാണ് ഞങ്ങളെല്ലാം മൂന്നാറിലേക്കു പോയത്. വിനീതേട്ടനും അപ്പുവുമടക്കം (പ്രണവ് മോഹന്‍ലാല്‍) പത്തിരുപതു പേര്‍. അവിടെ ടെന്റിലാണ് താമസം. അപ്പു സ്വന്തമായി ടെന്റും കൊണ്ടാണ് വന്നത് തന്നെ. അത് തന്നെ സെറ്റ് ചെയ്തു, അതിലായിരുന്നു കക്ഷിയുടെ താമസം.’

‘സൂര്യോദയത്തിന്റെ പശ്ചാത്തലത്തില്‍ പ്ലാന്‍ ചെയ്ത ഫോട്ടോ ഷൂട്ടിനായി പിറ്റേന്ന് അതിരാവിലെ ട്രക്കിങ് തുടങ്ങി. നാലഞ്ചു കിലോമീറ്റര്‍ കുത്തനെയുള്ള കയറ്റമാണ്. ആ കൊടുംകയറ്റമൊക്കെ അപ്പു ഒറ്റ പോക്കില്‍ കയറും. ഞാനടക്കമുള്ള ബാക്കിയുള്ളവര്‍ കിതച്ചും ഇരുന്നുമൊക്കെയാണ് മലമുകളിലെത്തിയത്. മനോഹരമായ ഫോട്ടോ കണ്ടപ്പോള്‍ ആ ക്ഷീണമെല്ലാം പമ്ബ കടന്നു.’ വനികയുമായുള്ള അഭിമുഖത്തില്‍ കല്യാണി പറഞ്ഞു.