ആദ്യമായി ഇരുവരും ഒരുമിച്ച്, ദസറ ആശംസകളുമായി കാജലും വരൻ ഗൗതമും

മലയാളികൾക്ക് ഏറെ പ്രിയപ്പെട്ട നടിമാരിലൊരാളാണ് കാജൽ അഗർവാൾ. ധീര എന്ന സിനിമ മുതലാണ് മലയാളികൾക്ക് കാജൽ പ്രിയപ്പെട്ട താരമായി മാറിയത്. ഇതുവരെ മലയാള സിനിമയിൽ അഭിനയിച്ചല്ലെങ്കിൽ പോലും മലയാളികൾക്ക് ഏറെ പ്രിയപ്പെട്ട ഒരുപാട് തമിഴ്, തെലുങ്ക് ചിത്രങ്ങളിൽ നായിക കാജൽ ആയിരുന്നു.

കാജൽ അഗർവാളിന്റെ വിവാഹം ഉറപ്പിച്ചു എന്ന വാർത്ത കഴിഞ്ഞമാസമാണ് പുറത്തുവന്നത്. മുംബൈ കേന്ദ്രീകരിച്ച് പ്രവർത്തിക്കുന്ന ഒരു ബിസിനസുകാരാണ് കാജലിന്റെ വരൻ. മുംബൈയിൽ പ്രവർത്തിക്കുന്ന ഒരു ഇൻറീരിയർ ഡിസൈനർ ആണ് ഗൗതം കിച്ചുലു. ആദ്യമായി ഇരുവരും ഒരുമിച്ച് ഒരു ചിത്രം ഇൻസ്റ്റഗ്രാമിൽ പോസ്റ്റ് ചെയ്തിരിക്കുകയാണ്.

കാജലിന്റെ ഔദ്യോഗിക ഇൻസ്റ്റഗ്രാം പേജ് വഴിയാണ് ഈ ചിത്രം പോസ്റ്റ് ചെയ്തിരിക്കുന്നത്. ദസറ ആശംസകൾ നേർന്നു കൊണ്ട് ആണ് ഇരുവരും ഇപ്പോൾ സമൂഹമാധ്യമങ്ങളിൽ എത്തിയത്. ചിത്രങ്ങൾ പോസ്റ്റ് ചെയ്ത് നിമിഷങ്ങൾക്കകം തന്നെ സമൂഹമാധ്യമങ്ങൾ ചിത്രം ഏറ്റെടുത്തു.

ആദ്യമായിട്ടാണ് ഇരുവരും ഒന്നിച്ചു കൊണ്ട് ഒരു പബ്ലിക് പ്ലാറ്റ്ഫോമിൽ എത്തുന്നത്. അതുകൊണ്ടുതന്നെ കാജൽ ആരാധകർ വളരെ ത്രില്ലിൽ ആണ്.

ഇനി വെറും നാല് ദിവസങ്ങൾ മാത്രമാണ് ഇരുവർക്കും വിവാഹത്തിലേക്ക് ഉള്ളത്. മുംബൈയിൽ വെച്ചായിരിക്കും വിവാഹം. ഒക്ടോബർ 30ന് ആണ് വിവാഹം നടത്താൻ തീരുമാനിച്ചത്. അതുകൊണ്ടുതന്നെ ഇരുവരും അവസാനമായി ആഘോഷിക്കുന്ന ബാച്ചിലർ ഫെസ്റ്റിവൽ കൂടിയായിരിക്കും ഈ വർഷത്തെ ദസറ.