എനിക്ക് വിജയി ആയി കാണണമെന്ന് ആഗ്രഹം തോന്നിയത് അദ്ദേഹത്തെ ആയിരുന്നു; ജാസ്മിന്‍

ബിഗ് ബോസില്‍ മത്സരിക്കാന്‍ എത്തിയതോടെയാണ് ജാസ്മിനെ കുറിച്ച് പ്രേക്ഷകര്‍ കൂടുതല്‍ അറിഞ്ഞത്. ജീവിതത്തില്‍ ഒരുപാട് പ്രതിസന്ധിഘട്ടങ്ങളെ തരണം ചെയ്താണ് ഇന്ന് ഈ നിലയില്‍ ് ജാസ്മിന്‍ എത്തിയത്. ഇതേക്കുറിച്ച് ഷോയില്‍ വെച്ച് തന്നെ ജാസ്മിന്‍ പറഞ്ഞിരുന്നു. വിന്നര്‍ സ്ഥാനത്ത് എത്തും എന്ന് പലരും പ്രവചിച്ചിരുന്ന ഒരു പേരായിരുന്നു ജാസ്മിന്റെ. എന്നാല്‍ ഷോയില്‍ വെച്ച് ഒരു തര്‍ക്കത്തിനിടെ സ്വന്തം ഇഷ്ടപ്രകാരം ബിഗ് ബോസ് വീട്ടില്‍ നിന്ന് ഇറങ്ങി പോവുകയായിരുന്നു ജാസ്മിന്‍.

ഇതിനുപിന്നാലെ മറ്റു റിയാലിറ്റി ഷോയിലും ജാസ്മിന്‍ എത്തിയിരുന്നു. ഇവിടെവെച്ച് അവതാരകരുടെ ചോദ്യത്തിന് ജാസ്മിന്‍ പറഞ്ഞ മറുപടിയാണ് ഇപ്പോള്‍ വൈറല്‍ ആവുന്നത്.

ദില്‍ഷ വിജയി ആയതില്‍ പ്രതിഷേധമുണ്ടോ എന്ന അവതാരകയുടെ ചോദ്യത്തിന് ജാസ്മിന്‍ കൊടുത്ത മറുപടി ശ്രദ്ധേയമാകുകയാണ്. ഇത് പ്രേക്ഷകരുടെ വോട്ടാണ്. വോട്ടിങ് പ്രകാരമാണല്ലോ വിജയിയെ തീരുമാനിക്കുന്നത്. വിജയിയെ തെരഞ്ഞെടുക്കുന്നത് പ്രേക്ഷകരാണ്. പ്രേക്ഷകരുടെ തീരുമാനം അന്തിമമാണ്. പക്ഷേ ആ വീട്ടില്‍ നില്‍ക്കുമ്പോള്‍ നമ്മുക്ക് വ്യക്തിപരമായി ഇന്നയാള്‍ ജയിക്കണമെന്നുണ്ടാകും. അങ്ങനെ എനിക്ക് വിജയി ആയി കാണണമെന്ന് ആഗ്രഹം തോന്നിയത് റിയാസ് സലിമിനേയായിരുന്നു. ഇത്രയും വലിയൊരു പ്ലാറ്റ്‌ഫോമില്‍ വന്നിട്ട് പ്രേക്ഷകര്‍ക്ക് ഒരു നല്ല മെസേജ് കൊടുക്കാന്‍ റിയാസിന് കഴിഞ്ഞിരുന്നു.

മെന്റല്‍ ടോര്‍ച്ചര്‍ എന്ന് പറയുന്നത് പെട്ടെന്ന് വരുന്ന ഒന്നല്ല. ബിഗ് ബോസിനകത്ത് വേറെ കുറേ കാര്യങ്ങള്‍ ഉണ്ടായിരുന്നു. അതിനോടുള്ള പ്രതിഷേധത്തിന്റെ ഭാഗമായിട്ടായിരുന്നു റോബിന്റെ ചെടി ചട്ടി പൊട്ടിച്ചതെന്നും ജാസ്മിന്‍ കൂട്ടിച്ചേര്‍ത്തു.