ബിഗ്ബോസിന് അകത്തും പുറത്തും വലിയ ചർച്ച ജാസ്മിൻ ഗബ്രി വിഷയമാണ്.ഗബ്രിക്കും തനിക്കും ഒരു ഇഷ്ടമുണ്ടെന്നും അത് പ്രണയത്തിലെത്താതെ പിടിച്ച് വെച്ചിരിക്കുകയാണെന്നും ജാസ്മിൻ തുറന്ന് പറഞ്ഞു. താൻ പുറത്ത് കമ്മിറ്റഡാണെന്ന് ജാസ്മിൻ മുമ്പൊരിക്കൽ പറഞ്ഞിരുന്നു. വിവാഹം പറഞ്ഞ് വെച്ചയാൾ ബന്ധത്തിൽ നിന്ന് പിന്മാറുകയാണെന്ന് കഴിഞ്ഞ ദിവസം വ്യക്തമാക്കി. പുറത്തെ സാഹചര്യം എന്താണെന്ന് ഏറെക്കുറെ ജാസ്മിന് വ്യക്തമായിട്ടുണ്ട്. എന്നാൽ ഇതൊന്നും ഗബ്രിയോട് ജാസ്മിനുള്ള അടുപ്പത്തിൽ കുറവ് വരുത്തിയില്ല.ഈ വിഷയത്തെ കുറിച്ച് ജയിൽ നോമിനേഷനിൽ അകപ്പെട്ട നോറയുമായാണ് ജാസ്മിൻ ഇതേക്കുറിച്ച് തുറന്ന് സംസാരിച്ചത്. മലയാളി പ്രേക്ഷകരും മാറി ചിന്തിക്കുമെന്ന് ജാസ്മിൻ പറയുന്നു. ഇത് 2024 ആണ്. മാറി ചിന്തിക്കും. ഇന്ന് ഇങ്ങോട്ട് കാറ്റ് വീശിയാൽ നാളെ അങ്ങോട്ട് കാറ്റ് വീശുമെന്ന വിശ്വാസം. തെറ്റ് ചെയ്തിട്ടില്ലെന്ന വിശ്വാസവും തനിക്കുണ്ടെന്ന് ജാസ്മിൻ വ്യക്തമാക്കി. നിങ്ങൾ റിലേഷൻഷിപ്പിലാണോ എന്നതിൽ ഇപ്പോഴും കൺഫ്യൂസ്ഡ് ആണെന്ന് നോറ അഭിപ്രായപ്പെട്ടു.
മറ്റൊന്ന് ഇതിന് ജാസ്മിൻ മറുപടി നൽകി. നീയല്ല കൺഫ്യൂസ്ഡ്. ഞങ്ങളും കൺഫ്യൂഷനിലാണ്. ഞങ്ങൾക്ക് ക്ലാരിറ്റി ഇല്ല എന്നതാണ് ഞങ്ങളുടെ ക്ലാരിറ്റി. ഇതേ നീ എനിക്കൊരു സോൾ മേറ്റ് ഉണ്ടെന്ന് ഒരിക്കൽ പറഞ്ഞിട്ടുണ്ടല്ലോ എന്ന് നോറ തിരിച്ച് ചോദിച്ചു. പുറത്ത് ഞാൻ കമ്മിറ്റഡ് ആണെങ്കിലും അല്ലെങ്കിലും ഇവിടെ കമ്മിറ്റഡ് ആകണമെങ്കിൽ ഞാൻ ആകും. പക്ഷെ മനസിലെ ഒരിഷ്ടമാണ്. അതിനൊരു ക്ലാരിറ്റി ഇല്ല. ക്ലാരിറ്റി ഇല്ല എന്ന് പറയുന്നതാണ് ക്ലാരിറ്റിയെന്ന് ജാസ്മിൻ തുറന്ന് പറഞ്ഞു.അതേസമയം കഴിഞ്ഞ കുറച്ച് ദിവസങ്ങളായി ജാസ്മിനും ഗബ്രിക്കും പ്രേക്ഷകർക്കിടയിൽ പിന്തുണ കൂടുന്നുണ്ട്. വീട്ടിലെ ഭൂരിഭാഗം പേരും ഇവർക്കെതിരെ തിരിഞ്ഞതോടെയാണ് ജനപിന്തുണ കൂടിയത്. ആദ്യ ഘട്ടത്തിൽ ജാസ്മിൻ കരഞ്ഞെങ്കിലും പിന്നീട് ഇവർക്കെതിരെ സംസാരിക്കാൻ ജാസ്മിന് കഴിഞ്ഞു. ഇക്കഴിഞ്ഞ എപ്പിസോഡിലും തിളങ്ങാൻ കഴിഞ്ഞത് ജാസ്മിനാണ്.