കണ്ണൂര്: ജില്ലയില് കാലവര്ഷം അതിതീവ്രമായിക്കൊണ്ടിരിക്കുന്ന സാഹചര്യത്തില് കണ്ണൂര് ജില്ലയിലെ പ്രഫഷനല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും വെള്ളിയാഴ്ച അവധിയായിരിക്കുമെന്ന് കലക്ടര് അറിയിച്ചു.
അങ്കണവാടി ഉള്പ്പെടെയുള്ളവയ്ക്കും അവധി ബാധകമാണ്. നാളെ നടത്താനിരുന്ന പിഎസ്സി പരീക്ഷകള്ക്കു മാറ്റമുണ്ടായിരിക്കുന്നതല്ല. അതേസമയം കനത്ത മഴയുടെ പശ്ചാത്തലത്തില് കണ്ണൂരില് ഇന്ന് റെഡ് അലേര്ട്ട് പ്രഖ്യാപിച്ചിരുന്നു.
അതേസമയം നാളെ അഞ്ച് ജില്ലകളില് മഞ്ഞ അലേര്ട്ടാണ് പ്രഖ്യാപിച്ചിരിക്കുന്നത്. അതേസമയം സംസ്ഥാനത്ത് മഴ ശക്തമായി തുടരുന്ന സാഹചര്യത്തില്
സുരക്ഷാ നിര്ദ്ദേശങ്ങള് കൃത്യമായി പാലിക്കാനും സര്ക്കാര് സംവിധാനങ്ങളോട് സഹകരിക്കാനും ഈ ഘട്ടത്തില് വൈമനസ്യം കൂടാതെ എല്ലാവരും തയ്യാറാകണമെന്ന് മുഖ്യമന്ത്രി പിണറായി വിജയന് അറിയിച്ചു.
മലയോര മേഖലകളിലും തീരദേശങ്ങളിലും കൂടുതല് ശ്രദ്ധ ആവശ്യമാണ്. കടല് പ്രക്ഷുബ്ധമാകാനും ഉയര്ന്ന തിരമാലയ്ക്കും സാധ്യതയുള്ളതിനാല് മത്സ്യബന്ധനത്തിനു പോകാന് പാടില്ല. ജലജന്യരോഗങ്ങളെയും പകര്ച്ചവ്യാധികളെയും കരുതിയിരിക്കണം. ആവശ്യമായ സുരക്ഷാ മുന്കരുതലുകള് കൈക്കൊള്ളണം എന്നും മുഖ്യമന്ത്രി അറിയിച്ചു.