പെണ്ണായിരുന്നു എങ്കിൽ എനിക്ക് അന്തസ്സായി അങ്ങനെ ചെയ്യാമായിരുന്നു – ഹരീഷ് പേരാടി ഇങ്ങനെ പറയുവാൻ കാരണം എന്താണ് എന്ന് അറിയുമോ?

മലയാളികൾക്ക് ഏറെ പ്രിയപ്പെട്ട താരങ്ങളിലൊരാളാണ് ഹരീഷ് പേരാടി. ടെലിവിഷൻ മേഖലയിലൂടെ ആണ് ഇദ്ദേഹം ശ്രദ്ധിക്കപ്പെടുന്നത്. കഴിഞ്ഞ കുറെ പതിറ്റാണ്ടുകളായി ഇദ്ദേഹം സിനിമാമേഖലയിൽ സജീവമായിരുന്നു. അധികവും വില്ലൻ വേഷങ്ങളായിരുന്നു ലഭിച്ചത്. എന്നാൽ അടുത്തിടെ മാത്രമാണ് ഇപ്പോൾ ഇദ്ദേഹം സിനിമയിൽ കൂടുതൽ ശ്രദ്ധിക്കപ്പെടാൻ തുടങ്ങിയത്. ഇപ്പോൾ ലഭിക്കുന്നത് അധികവും സ്വഭാവ കഥാപാത്രങ്ങളാണ്. ഇതിനു പുറമേ നാടക വേദികളിലും ഇദ്ദേഹം സജീവമായിരുന്നു.

സമൂഹമാധ്യമങ്ങളിലും വളരെ സജീവമാണ് താരം. താരം നടത്തുന്ന പോസ്റ്റുകൾ എല്ലാം വലിയ രീതിയിലാണ് മാധ്യമങ്ങൾ ചർച്ച ചെയ്യാറുള്ളത്. പലപ്പോഴും സമൂഹത്തിൽ നടക്കുന്ന സാമൂഹിക രാഷ്ട്രീയ സാംസ്കാരിക വിഷയങ്ങളിലെല്ലാം തന്നെ താരം അഭിപ്രായം പറയാറുണ്ട്. ഇപ്പോൾ വിമൻ ഇൻ സിനിമ കളക്ടീവ് എന്ന സംഘടനയെ കുറിച്ചാണ് താരം പറയുന്നത്. മലയാളസിനിമയിലെ സ്ത്രീകളുടെ സംഘടനയാണ് ഇത്. സ്ത്രീകൾക്ക് നേരെയുള്ള അതിക്രമങ്ങൾ ചെറുക്കുന്നതിന് വേണ്ടി, അവർക്ക് നിയമപരമായ സഹായങ്ങൾ ഒരുക്കുന്നതിനു വേണ്ടി തുടങ്ങിയ സംഘടനയാണ് ഇത്. ഇപ്പോൾ ഈ സംഘടനയെ കുറിച്ചുള്ള അദ്ദേഹത്തിൻറെ അഭിപ്രായമാണ് ശ്രദ്ധിക്കപ്പെടുന്നത്.

ഒരു പെണ്ണ് ആയിരുന്നു എങ്കിൽ അഭിമാനത്തോടെ ഈ സംഘടനയിൽ ചേർന്ന് പ്രവർത്തിക്കാമായിരുന്നു എന്നാണ് ഇപ്പോൾ താരം ഇപ്പോൾ പറയുന്നത്. ഫേസ്ബുക്ക് വഴി ആണ് താരം ഈ പ്രതികരണം നടത്തിയത്. “പെൺ സൈന്യത്തിന് അഭിവാദ്യങ്ങൾ. ഒരു പെണ്ണ് ആയിരുന്നുവെങ്കിൽ അന്തസ്സോടെ ഈ സംഘടനയിൽ ചേരാമായിരുന്നു, അങ്ങനെ തോന്നി പോയ ഒരു സന്ദർഭം ആണ് ഇത്. ആൺ കളകളെ പറിച്ചു കളഞ്ഞു കൊണ്ടുള്ള ഈ മുന്നേറ്റം അഭിമാനമാണ്. പെണ്ണായ നിങ്ങൾ പോരാടി ജയിക്കുമ്പോൾ ആണായ ഞങ്ങൾ വിറയ്ക്കുന്നത് എന്തുകൊണ്ട്? – ഇതാണ് താരം ഫേസ്ബുക്കിൽ ചോദിക്കുന്നത്.

രണ്ടു ദിവസങ്ങൾക്കു മുൻപ് വുമൺ ഇൻ സിനിമ കളക്ടീവ് സംഘടനയുടെ ഭാരവാഹികൾ വനിതാ കമ്മീഷൻ അധ്യക്ഷയുമായി കോഴിക്കോട് വെച്ച് കൂടിക്കാഴ്ച നടത്തിയിരുന്നു. ജസ്റ്റിസ് ഹേമ കമ്മീഷൻ റിപ്പോർട്ട് ഉടൻ തന്നെ പുറത്തുവിടണം എന്നായിരുന്നു ഇവരുടെ ആവശ്യം. സിനിമ മേഖലയിൽ സ്ത്രീകൾ നേരിടുന്ന ചൂഷണങ്ങളും പ്രശ്നങ്ങളും പഠിച്ച് വിശദമായ റിപ്പോർട്ട് സമർപ്പിക്കുവാൻ വേണ്ടി നിയോഗിച്ച കമ്മിറ്റി ആയിരുന്നു ജസ്റ്റിസ് ഹേമ കമ്മിറ്റി. എന്നാൽ വർഷങ്ങൾ കുറെ ആയിട്ടും ഇവർ ഇതുവരെ റിപ്പോർട്ട് സമർപ്പിച്ചിട്ടില്ല. ഇതിൽ ഉടൻതന്നെ പരിഹാര നടപടികൾ സ്വീകരിക്കുമെന്നാണ് വനിതാ കമ്മീഷൻ അധ്യക്ഷ പി സതീദേവി പറയുന്നത്.