ഫൈനലില്‍ അര്‍ജന്റീനയെ തോല്‍പ്പിച്ച് കപ്പ് എടുത്താല്‍ ഫ്രീ സെക്‌സ്; ഓഫറുമായി ഫ്രാന്‍സിലെ ലൈംഗിക തൊഴിലാളികള്‍

ഫിഫ ലോകകപ്പ് ഫൈനലിന് ഒരുങ്ങി കഴിഞ്ഞു ഖത്തറും ലോക ഫുട്‌ബോള്‍ ആരാധകരും. ലോകത്തുള്ള ഫുട്‌ബോള്‍ ആരാധകര്‍ മുഴുവന്‍ അര്‍ജന്റീന-ഫ്രാന്‍സ് മത്സരത്തിനായി കാത്തിരിക്കുകയാണ്.

അതാത് ടീമിന്റെ ആരാധകര്‍ അവരുടെ ടീമിന്റെ വിജയത്തിന് വേണ്ടി പ്രാര്‍ത്ഥിക്കുകയാണ്. ഇന്ന് രാത്രി 8.30ന് ദോഹയിലെ ലുസൈല്‍ സ്‌റ്റേഡിയത്തില്‍ ഫൈനല്‍ മത്സരം നടക്കും.

ഇപ്പോഴിത അര്‍ജന്റീനയെ തോല്‍പിച്ച് ഫ്രാന്‍സ് ലോകകപ്പ് കിരീടം സ്വന്തമാക്കിയാല്‍ തങ്ങള്‍ അന്നേ ദിവസം സൗജന്യ സേവനം (ഫ്രീ സെക്‌സ്) നല്‍കുമെന്ന് അറിയിച്ചിരിക്കുകയാണ് ഫ്രാന്‍സിലെ ലൈംഗിക തൊഴിലാളികള്‍.

പാരീസിലെയും മറ്റു പ്രമുഖ നഗരങ്ങളിലെയും ലൈംഗിക തൊഴിലാളികള്‍ ആണ് സൗജന്യ സേവന വാഗ്ദാനവുമായി രംഗത്തെത്തിയത്. നിലവിലെ ചാംപ്യന്മാരായ ഫ്രാന്‍സ് ലോകകപ്പ് കിരീടം നിലനിര്‍ത്തിയാല്‍ ടീമംഗങ്ങള്‍ക്ക് മികച്ച ഉപഹാരം സമ്മാനിക്കുമെന്ന് നേരത്തേ ഫ്രഞ്ച് പ്രസിഡന്റ് ഇമ്മാനുവല്‍ മാക്രോണും വാഗ്ദാനം ചെയ്തിരുന്നു.

അതേസമയം കടുത്ത മത്സരം തന്നെയാകും ഇന്ന് നടക്കുക എന്നാണ് കരുതുന്നത്.മെസ്സിയുടെ അവസാന വേള്‍ഡ് കപ്പ് ആയതുകൊണ്ട് തന്നെ അര്‍ജന്റീനയ്ക്ക് ഇത് നിര്‍ണായക വേള്‍ഡ് കപ്പാകും. എന്ത് വില കൊടുത്തും മെസ്സിക്ക് വേണ്ടി കപ്പ് സ്വന്തമാക്കാന്‍ വേണ്ടിയാകും അര്‍ജന്റീന കളിക്കുക.

നിലവിലെ ചാമ്പ്യന്‍മാരായ ഫ്രാന്‍സ് കപ്പ് വീണ്ടും നിലനിര്‍ത്താനാണ് ശ്രമിക്കുന്നത്. സെമി ഫൈനലില്‍ മൊറോക്കോയെ 2-0 ത്തിന് തോല്‍പിച്ചാണ് ഫ്രാന്‍സ് ഫൈനലിലെത്തിയത്. ക്രൊയേഷ്യയെ 3-0 ത്തിന് തോല്‍പിച്ചായിരുന്നു അര്‍ജന്റീനയുടെ ഫൈനല്‍ പ്രവേശനം.