1600 കോടിക്ക് ലോകത്തിലെ ഏറ്റവും വലിയ പ്രാണി വളർത്തൽ കേന്ദ്രം ഒരുങ്ങുന്നു, എന്തിനാണ് പ്രാണികളെ വളർത്തുന്നത്? ഇവിടെ വായിക്കാം

ലോകത്തിലെ ഏറ്റവും വലിയ പ്രാണി വളർത്തൽ കേന്ദ്രം ഫ്രാൻസിൽ ഒരുങ്ങുകയാണ്. 224 മില്യൻ ഡോളർ ചിലവിലാണ് ഈ കേന്ദ്രം ഒരുക്കുന്നത്. അതായത് ഇന്ത്യൻ രൂപയിൽ ഏകദേശം 1500 കോടി രൂപ.

യെൻസക്റ്റ് എന്ന കമ്പനി ആണ് ഇത്തരത്തിൽ ഒരു ആശയവുമായി മുന്നോട്ടു വന്നിരിക്കുന്നത്. റോബർട്ട് ഡൗണി അടക്കമുള്ള ഹോളിവുഡ് താരങ്ങളിൽ നിന്നും ഫണ്ട് പിരിച്ച് കൊണ്ടാണ് ഇവർ ഇത്തരത്തിൽ ഒരു പ്രാണി വളർത്തൽ കേന്ദ്രം ആരംഭിക്കുന്നത്. ഫ്രാൻസിൽ ഇത്തരത്തിൽ തുടങ്ങുന്ന രണ്ടാമത്തെ പ്രാണി വളർത്തൽ കേന്ദ്രം കൂടിയാണ് ഇത്.

ഈ കേന്ദ്രത്തിൽ നിന്നും മീൽവേംസ് എന്ന പ്രാണിയെ ആയിരിക്കും വ്യാവസായികാടിസ്ഥാനത്തിൽ ഉൽപാദിപ്പിക്കുന്നത്. വളമായും, കന്നുകാലികളുടെ തീറ്റ ആയും ഉപയോഗിക്കാവുന്ന ഒരു തരത്തിലുള്ള പ്രാണി ആണ് ഇത്.

2022 വർഷത്തോടെ ആണ് ഈ കേന്ദ്രം പ്രവർത്തനം ആരംഭിക്കാൻ ഒരുങ്ങുന്നത്. ഒരു ലക്ഷം ടൺ പ്രോഡക്ടുകൾ ആയിരിക്കും ഇവിടെനിന്നും ഒരുങ്ങുന്നത്. ഓയിൽ രൂപത്തിലും, പൊടി രൂപത്തിലും ആയിരിക്കും പ്രാണികളെ പ്രോസസ് ചെയ്ത് എടുക്കുന്നത്.

വളരെ ചുരുങ്ങിയ സ്ഥലം മാത്രമായിരിക്കും ഈ പദ്ധതിക്ക് വേണ്ടി ചെലവാക്കുന്നത്. 500 പേർക്ക് തൊഴിൽ അവസരം കൂടി സൃഷ്ടിച്ചുകൊണ്ടാണ് ഇത്തരത്തിൽ ഒരു ആശയം ഫ്രാൻസിൽ ഇപ്പോൾ പ്രാവർത്തികമാകുന്നത്.

40 അടി ഉയരത്തിൽ ഉള്ള ഒരു മരത്തിൽ ആയിരിക്കും പ്രധാനമായി പ്രാണികളെ വളർത്തുക. 40,000 സ്ക്വയർ മീറ്റർ വിസ്തൃതിയുള്ള സ്ഥലത്ത് ആയിരിക്കും ഈ മരം സ്ഥാപിക്കുന്നത്.

ലോകത്തിലെ ഏറ്റവും ഉയരം കൂടിയ പ്രാണി വളർത്തൽ കേന്ദ്രം എന്ന ബഹുമതി കൂടി ഈ കേന്ദ്രം തുടങ്ങുന്നതോടെ കരസ്ഥമാക്കും. മാത്രവുമല്ല ലോകത്തിലെ ഏക കാർബൺ ന്യൂട്രൽ ഫാം കൂടി ആയിരിക്കും ഇത്.

2016 വർഷത്തിൽ ഫ്രാൻസിൽ ഇവർ ഇത്തരത്തിൽ മറ്റൊരു കമ്പനി കൂടി തുടങ്ങിയിരുന്നു. ദശലക്ഷക്കണക്കിന് കിലോയോളം പ്രോഡക്ടുകൾ ആണ് ഇവിടെ ഉത്പാദിപ്പിക്കുന്നത്. ഡിമാൻഡ് കൂടിയതോടെ ആണ് ഇവർ ഇപ്പോൾ മറ്റൊരു സ്ഥാപനം കൂടി ആരംഭിക്കുവാൻ പദ്ധതിയിടുന്നത്.

“പ്രാണി വളർത്തൽ എന്നത് ഇന്ന് ലോകത്തിലെ ഏറ്റവും പ്രധാനപ്പെട്ട മേഖലകളിലൊന്നാണ്. കന്നുകാലികളെ നല്ലരീതിയിൽ വളർത്തുന്നതിന് വേണ്ടി ധാരാളം പ്രോട്ടീൻ അടങ്ങിയ ഭക്ഷണം ആവശ്യമാണ്. ഇതേ കന്നുകാലികളിൽ നിന്നു തന്നെയാണ് നമ്മൾ നമുക്ക് ആവശ്യമുള്ള ഭക്ഷണം എടുക്കുന്നത്, ഇതേ കന്നുകാലികൾ നമുക്കും ഭക്ഷണമാണ്. അതുകൊണ്ടുതന്നെ ഈ പദ്ധതി ആത്യന്തികമായി ഉപയോഗപ്പെടുന്നത് മനുഷ്യർക്ക് തന്നെ ആയിരിക്കും” – കമ്പനി അവകാശപ്പെടുന്നു.