മൈനസ് ഇരുപത്തിയഞ്ച് ഡിഗ്രിയിൽ തണുത്തുവിറച്ച് ദുൽഖർ. താരം നായകനാവുന്ന പുതിയ ചിത്രം ചിത്രീകരിക്കുന്നത് ലോകപ്രശസ്തമായ ഈ സ്ഥലത്ത്!

മലയാളികളുടെ പ്രിയ നടൻ ദുൽഖർ സൽമാൻ. മലയാളത്തിനു പുറമേ തമിഴിലും തെലുങ്കിലും എല്ലാം സജീവമാണ് താരം. ബോളിവുഡിലും താരം അഭിനയിക്കുന്നുണ്ട്. താരം നായകനായ സൂപ്പർഹിറ്റ് തെലുങ്ക് ചിത്രമാണ് മഹാനദി. ഇപ്പോഴിതാ മറ്റൊരു തെലുങ്ക് ചിത്രത്തിൽ അഭിനയിക്കുകയാണ് താരം. സീതാരാമം എന്നാണ് ഈ ചിത്രത്തിൻറെ പേര്.

പ്രശസ്ത സംവിധായകൻ ഹനു രാഘവപുടി ആണ് ഈ ചിത്രം സംവിധാനം ചെയ്യുന്നത്. ചിത്രം തമിഴിലും, മലയാളത്തിലും പുറത്തിറങ്ങും. ചിത്രീകരണ വേളയിലാണ് ഈ സിനിമ ഇപ്പോൾ. ഈയടുത്താണ് ആണ് ഇതിൻറെ ചിത്രീകരണം ലോകത്തിലെ ഏറ്റവും ഉയരത്തിൽ സ്ഥിതി ചെയ്യുന്ന പോസ്റ്റ് ഓഫീസ് ഉള്ള സ്ഥലമായ സ്പിതി വാലിയിൽ നടന്നത്. ഹിക്കിം എന്ന ഗ്രാമത്തിലാണ് ഈ പോസ്റ്റ് ഓഫീസ് ഉള്ളത്. ഹിമാചൽപ്രദേശിൽ ആണ് ഈ ഗ്രാമം സ്ഥിതി ചെയ്യുന്നത്.

ഏതാണ്ട് 4440 മീറ്റർ ഉയരത്തിലാണ് ഈ ഗ്രാമം സ്ഥിതി ചെയ്യുന്നത്. സിനിമയുടെ ചിത്രീകരണം നടക്കുമ്പോൾ ഏതാണ്ട് -25 ഡിഗ്രി ആയിരുന്നു ഇവിടത്തെ തണുപ്പ്. വല്ലാത്തൊരു അനുഭവമായിരുന്നു ഇത് എന്ന് അണിയറപ്രവർത്തകർ സാക്ഷ്യപ്പെടുത്തുന്നു. ഗ്രാമവാസികൾ ഷൂട്ടിന് തങ്ങളെ ഒരുപാട് സഹായിച്ചു എന്നും ഇവർ പറയുന്നു.

ഒരു പ്രണയകഥയാണ് ചിത്രം പറയുന്നത്. യുദ്ധം പ്രമേയമാക്കിയുള്ള ഒരു പ്രണയ കഥയാണ് ഇത്. റാം എന്ന് പേരുള്ള പട്ടാളക്കാരൻ ആയിട്ടാണ് ദുൽഖർ സൽമാൻ ഇതിൽ അഭിനയിക്കുന്നത്. മൃണാൽ താക്കൂർ ആണ് ചിത്രത്തിൽ നായികയായി എത്തുന്നത്. രശ്മിക മന്ദന യും ചിത്രത്തിലഭിനയിക്കുന്നുണ്ട് എന്ന് സൂചനയുണ്ട്.