ഏഴ് വര്‍ഷങ്ങളുടെ കാത്തിരിപ്പിന് ഒടുവില്‍ ജൂലൈ 14ന് ധ്രുവ നച്ചത്തിരം എത്തുമെന്ന് റിപ്പോര്‍ട്ട്; എല്ലാവര്‍ഷവും ജൂലൈ 14 ഉണ്ടല്ലോയെന്ന് പരിഹസിച്ച് സോഷ്യല്‍ മീഡിയ

വര്‍ഷങ്ങളായി വിക്രം ആരാധകര്‍ കാത്തിരിക്കുന്ന ചിത്രമാണ് ‘ധ്രുവ നച്ചത്തിരം’. ഗൗതം വാസുദേവ് മേനോന്‍ സംവിധാനം ചെയ്തിരിക്കുന്ന ചിത്രത്തിന്റെ റിലീസ് അനിശ്ചിതമായി നീണ്ടുപോയിരുന്നു.

ഏഴ് വര്‍ഷത്തോളമായി ചിത്രത്തിന്റെ റിലീസ് നീണ്ടു പോയിരുന്നു. ഏഴ് വര്‍ഷത്തിന് ഇടയില്‍ പല തവണ ചിത്രം റിലീസിന് എത്തുമെന്ന് റിപ്പോര്‍ട്ടുകള്‍ എത്തിയിരുന്നെങ്കിലും ചിത്രത്തിന്റെ റിലീസ് അനിശ്ചിതമായി നീണ്ടുപോയിരുന്നു.

ചിത്രത്തിനായി കാത്തിരിക്കുന്ന ആരാധകര്‍ക്ക് സന്തോഷം നല്‍കുന്ന വാര്‍ത്തയാണ് ഇപ്പോള്‍ എത്തുന്നത്. ചിത്രം ഉടനെ തീയറ്ററുകളില്‍ എത്തുമെന്ന വാര്‍ത്തയാണ് എത്തുന്നത്.

ജൂലൈ 14ന് ചിത്രം റിലീസാകുമെന്നാണ് വാര്‍ത്തകള്‍ വരുന്നത്. പോസ്റ്റ് പ്രൊഡക്ഷന്‍ ജോലികള്‍ ദ്രുതഗതിയിലാണ് പുരോമഗിക്കുന്നത് എന്നാണ് റിപ്പോര്‍ട്ട്. അതേസമയം പുതിയ റിലീസ് ഡേറ്റ് എത്തിയെങ്കിലും സോഷ്യല്‍ മീഡിയക്ക് വിശ്വാസമായിട്ടില്ല.

എല്ലാ വര്‍ഷവും ജൂലൈ 14 ഉണ്ടല്ലോ എന്നാണ് സോഷ്യല്‍ മീഡിയ ചോദിക്കുന്നത്. 7 വര്‍ഷങ്ങളായി ചിത്രം നീണ്ടു പോകുന്ന പശ്ചാത്തലത്തിലാണ് സോഷ്യല്‍ മീഡിയ പരിഹാസം ഉന്നയിക്കുന്നത്.

അതേസമയം ഒരു സ്‌പൈ ത്രില്ലര്‍ ഗണത്തിലുള്ള ചിത്രമാണ് ഇത്. ഋതു വര്‍മ്മ, ഐശ്വര്യ രാജേഷ്, സിമ്രാന്‍, ആര്‍ പാര്‍ത്ഥിപന്‍, വിനായകന്‍, രാധിക ശരത്കുമാര്‍, ദിവ്യദര്‍ശിനി, മുന്ന സൈമണ്‍, സതീഷ് കൃഷ്ണന്‍, വംശി കൃഷ്ണ, സലിം ബെയ്ഗ് എന്നിവരടങ്ങുന്ന വമ്പന്‍ താരനിര ധ്രുവ നച്ചത്തിലുണ്ട്.

വിക്രം ഒരു സീക്രട്ട് ഏജന്റായിട്ടാണ് ചിത്രത്തില്‍ വേഷമിടുന്നത്. ‘ജോണ്‍ എന്നാണ്’ കഥാപാത്രത്തിന്റെ പേര്. ഉദയനിധി സ്റ്റാലിനാണ് ചിത്രത്തിന്റെ വിതരണം.