ആരാധകര്‍ ലൗ വാരിവിതറിയ ദിവ്യ ഉണ്ണിയുടെ പുതിയ ലുക്ക് കണ്ടോ ?

ഒരു കാലത്തെ മലയാളസിനിമയുടെ ശാലിന സുന്ദരി ആയിരുന്നു ദിവ്യ ഉണ്ണി. അന്നത്തെ കോളേജ് കുമാരിയുടെ വേഷങ്ങള്‍ മുതല്‍ തനി വീട്ടമയുടെ റോളില്‍ പോലും നടി എത്തിയിരുന്നു. കിട്ടുന്ന കഥാപാത്രം ഏതാണെങ്കിലും അത് ഗംഭീരമാക്കുമായിരുന്നു നടി. അഭിനയത്തിന് പുറമെ നൃത്തവും തനിക്ക് വഴങ്ങുമെന്ന് തെളിയിച്ച നടി കൂടിയാണ് ദിവ്യ . കുട്ടിക്കാലം മുതലേ നൃത്തത്തില്‍ മികവ് തെളിയിച്ചിരുന്നു ദിവ്യ ഉണ്ണി. നിരവധി വേദികളിലും നൃത്തവുമായി താരം എത്താറുണ്ടായിരുന്നു.

ഇപ്പോള്‍ ഇതുവരെ കാണാത്ത ലുക്കിലാണ് ദിവ്യ ഉണ്ണി എത്തിയിരിക്കുന്നത്. ജീന്‍സും ടോപ്പുമണിഞ്ഞ് ഫ്രീക്കത്തിയായുള്ള ചിത്രങ്ങളാണ് ദിവ്യ ഉണ്ണി പങ്കുവെച്ചിരിക്കുന്നത്. ട്രിപ്പൊക്കെ പോവുമ്പോള്‍ ഇച്ചിരി ഫ്രീക്കായില്ലെങ്കില്‍ എങ്ങനെയാണ് ശരിയാവുന്നെ എന്നാണ് ചിത്രം കണ്ട് ആരാധകരും ചോദിക്കുന്നത്. വാഷിങ്ടണിലേക്ക് പോയപ്പോഴുള്ള ത്രോബാക്ക് ചിത്രങ്ങളാണ് ദിവ്യ ഉണ്ണി പോസ്റ്റ് ചെയ്തത്.

ഒരു പക്ഷേ ഒരു കാലഘട്ടത്തില്‍ പട്ടുപാവാടയിലും, സാരിയിലും കണ്ടിരുന്ന ദിവ്യ ഉണ്ണിയെ ജീന്‍സും ടോപ്പുമണിഞ്ഞ് ആരാധകര്‍ കാണുന്നതും ഇത് ആദ്യമായിട്ട് ആയിരിക്കും. പൊതുവെ ഇങ്ങനെയുള്ള ലുക്കില്‍ നടി സോഷ്യല്‍ മീഡിയയില്‍ ഒന്നും എത്താറില്ല. എന്തായാലും പുതിയ ലുക്ക് കലക്കി എന്നാണ് ചിത്രം കണ്ട് പ്രേക്ഷകര്‍ പറഞ്ഞത്.

അതേസമയം തന്റെ കരിയറില്‍ മികച്ച നല്ല കഥാപാത്രങ്ങളുടെ ഭാഗമാവാന്‍ താരത്തിന് കഴിഞ്ഞു. അതെല്ലാം മലയാള സിനിമയുടെ സൂപ്പര്‍ താരങ്ങളുടെ കൂടെ ആയിരുന്നു എന്നതാണ് പ്രധാനം. കരഞ്ഞു ചിരിച്ചും കുട്ടിത്തരം എല്ലാം നിറഞ്ഞ ദവ്യ ഉണ്ണിയുടെ കഥാപാത്രത്തിന് ഇന്നും ആരാധകര്‍ ഏറെയാണ്.