ചേച്ചി പറഞ്ഞിരുന്നത് ശരിയായിരുന്നു അല്ലെ? ; അമ്പിളിയുടെയും, ആദിത്യന്റെയും വിവാഹ മോചന വാര്‍ത്തയില്‍ പ്രതികരിച്ച് നടി ജീജ

അമ്പിളി ദേവിയുടെയും, ആദിത്യന്റെയും വിവാഹ മോചന വാര്‍ത്തയാണ് ഇപ്പോള്‍ ചര്‍ച്ചയായിരിക്കുന്നത്. ആദിത്യത്തിന് വിവാഹ മോചനം വേണുമെന്ന് ആവശ്യപ്പെടുന്നു എന്ന് ആരോപിച്ചാണ് അമ്പിളി രംഗത്തെത്തിയത്. എന്നാല്‍ ഈ വാര്‍ത്തയില്‍ പ്രതികരിച്ച് ആദിത്യനും രംഗത്തെത്തിയിരുന്നു. തന്റെ ഭാര്യ പറയുന്ന കാര്യങ്ങള്‍ തെറ്റാണെന്നും എന്നാല്‍ ഇങ്ങനെ ഒരാളുടെ കൂടെ ജീവിക്കാന്‍ പറ്റില്ലെന്നും ആദിത്യന്‍ പറഞ്ഞിരുന്നു.

ഇവരുടെ വാര്‍ത്തയില്‍ നിരവധി പേരാണ് പ്രതികരണം അറിയിച്ച് രംഗത്ത് വന്നത്. ഇതിനെ പ്രതികൂലിക്കുന്നവരും അനുകൂലിക്കുന്നവരും ഉണ്ട്. ഇതിനിടെ ജീവന് പോലും ഭീഷണിയുണ്ടെന്ന് അമ്പിളി പറഞ്ഞിരുന്നു, താന്‍ ഇപ്പോഴും പേടിയോടെയാണ് ജീവിക്കുന്നതെന്നും താരം കൂട്ടിച്ചേര്‍ത്തു. എന്നാല്‍ അത്തരം കാര്യങ്ങളൊന്നും താന്‍ അമ്പിളിയുടെ അടുത്ത് സംസാരിച്ചിട്ടില്ല എന്ന തരത്തിലാണ് ആദിത്യന്‍ പറയുന്നത്.

ഇവരുടെ വിവാഹ കാര്യത്തില്‍ നേരത്തെ പ്രിതകരണം അറിയിച്ച നടിയാണ് ജീജ. വിവാഹം കഴിക്കാന്‍ പോവുന്നു എന്ന് അറിഞ്ഞപ്പോള്‍ ജീജ ഇവരെ ഉപദേശിച്ചിരുന്നു. എന്നാല്‍ ഈ ഉപദേശത്തെ പാടെ തള്ളി ആദിത്യന്‍ രംഗത്ത് വന്നിരുന്നു.

എന്റെ ഭാര്യയെ കൊണ്ടുപോയി അഭിനയിപ്പിച്ചത് ഇവരാണ്. 2009 മുതല്‍ ഞാന്‍ അനുഭവിക്കുന്ന പ്രശ്നങ്ങളുടെ വൃത്തികെട്ട മുഖമാണ് ഇവര്‍. അമ്പിളിക്ക് പേടി കാണും, എനിക്ക് പേടിയൊന്നുമില്ല. ആശംസയ്ക്ക് പകരം റീത്ത് വെച്ചാല്‍ പോരായിരുന്നോ ഇവര്‍ക്കെന്നും ആദിത്യന്‍ തുറന്നടിച്ചത്.

ഇപ്പോള്‍ വിവാഹ മോചന വാര്‍ത്തയും പുറത്ത് വന്നതോടെ പ്രതികരണം അറിയിച്ചിരിക്കുകയാണ് ജീജ. ചേച്ചി പറഞ്ഞിരുന്നത് ശരിയായിരുന്നു അല്ലെ? എന്ന ചോദ്യത്തിനാണ് ജീജ മറുപടി നല്‍കുന്നത്. അന്ന് എല്ലാവരും എന്നെ ക്രൂശിച്ചു; പാവം അമ്പിളി; എന്നാണ് ജീജ പ്രതികരിച്ചിരിക്കുന്നത്. ‘ജീവിതത്തില്‍ ഒരിക്കലും വില്ലത്തി അല്ല. കിട്ടിയ വേഷങ്ങള്‍ നേരെ മറിച്ചും’, എന്ന ക്യാപ്ഷന്‍ നല്‍കി ജീജ ഒരു ചിത്രവും പങ്ക് വച്ചിട്ടുണ്ട്.