‘ ഷൂട്ട് അത്രത്തോളം ആസ്വദിച്ചല്ലേ താങ്കൾ പോയത്. ആ കഥാപാത്രം ചെയ്തതിന് ഒരുപാട് നന്ദി.’ പ്രതാപ് പോത്തൻ ചെയ്ത കഥാപാത്രത്തെക്കുറിച്ച് റോഷൻ ആൻഡ്രൂസ്.

ഇന്ന് രാവിലെയാണ് പ്രശസ്ത നടനും സംവിധായകനുമായ പ്രതാപ് പോത്തൻ അന്തരിച്ചു എന്നുള്ള വാർത്തകൾ പുറത്തുവന്നത്. ഞെട്ടലോടെയാണ് മലയാള സിനിമാലോകം ഈ വാർത്ത കേട്ടത് എന്ന് പറയാം. ഇപ്പോഴിതാ റോഷൻ ആൻഡ്രൂസ് പങ്കുവെച്ച ഒരു കുറിപ്പ് ശ്രദ്ധ നേടുകയാണ്. ഇദ്ദേഹത്തിൻറെ ചിത്രത്തിൽ പ്രതാപ് പോത്തൻ അഭിനയിച്ചിരുന്നു. നിവിൻ പോളി അവതരിപ്പിക്കുന്ന കഥാപാത്രത്തിന്റെ അച്ഛനായിട്ടാണ് പ്രതാപ് പോത്തൻ ഇതിൽ അഭിനയിച്ചത്.

ബുധനാഴ്ചയാണ് മൈസൂർ ചിത്രത്തിൻറെ ഷൂട്ട് പാക്ക് അപ്പ് ആയത്. തന്നെ സംബന്ധിച്ച് വളരെ ഞെട്ടിക്കുന്ന ഒരു വാർത്തയാണ് ഇത് എന്ന് റോഷൻ ആൻഡ്രൂസ് പറയുന്നു. നിവിൻ പോളി നായകനായി അഭിനയിക്കുന്ന സിനിമയിൽ അഭിനയിച്ചിട്ട് അദ്ദേഹം കഴിഞ്ഞ ദിവസം മടങ്ങിയതാണ്. ബുധനാഴ്ച ആയിരുന്നു ചിത്രം പാക്ക് അപ്പ് ചെയ്തത്. സിനിമയുടെ പേര് തീരുമാനിച്ചിട്ടില്ല.

നിവിൻ പോളിയുടെ അച്ഛൻ ഡേവിസ് എന്ന കഥാപാത്രമാണ് അദ്ദേഹം ചെയ്തത്. ചിത്രത്തിൽ അഭിനയിക്കുമ്പോൾ വളരെയധികം സന്തോഷവാനായിട്ടാണ് അദ്ദേഹം കാണപ്പെട്ടത്. ആരോഗ്യപ്രശ്നങ്ങൾ ഒന്നും ഉള്ളതായി തോന്നിയില്ല. സ്മാർട്ട് ആയി വന്ന് അഭിനയിച്ചു മടങ്ങി. ഷൂട്ട് ഇടവേളകളിൽ തങ്ങൾ ഒരുപാട് സംസാരിച്ചിരുന്നു.

അദ്ദേഹത്തിൻറെ കുടുംബത്തെ പറ്റിയും സംസാരിച്ചിരുന്നു. തിരക്കഥ എഴുതി ഒരു ചിത്രം പൂർത്തിയാക്കിയിട്ടുണ്ട് എന്നും അടുത്ത് തന്നെ അദ്ദേഹം അത് സംവിധാനം ചെയ്യാൻ പോവുകയാണ് എന്നും പറഞ്ഞിരുന്നു. വളരെ സന്തോഷത്തോടെയാണ് അദ്ദേഹം മടങ്ങിയത് എന്ന് റോഷൻ ആൻഡ്രൂസ് പറയുന്നു.