‘ പ്രതിഭകളെ ബഹുമാനിക്കാൻ പഠിക്കെടാ മൂരാച്ചി’. നയൻതാരയെ അപമാനിച്ച കരൺ ജോഹറിനെതിരെ സാമൂഹ്യ മാധ്യമങ്ങളിൽ രൂക്ഷമായ വിമർശനം.

നയൻതാരയെ അധിക്ഷേപിച്ചു എന്ന് ആരോപിച്ച് ഇപ്പോൾ സാമൂഹ്യ മാധ്യമങ്ങളിൽ സംവിധായകൻ കരൺ ജോഹറിനെതിരെ രൂക്ഷമായ വിമർശനങ്ങൾ ആണ് ഉയരുന്നത്. ഇദ്ദേഹം നടത്തുന്ന ടോക്ക് ഷോ ആണ് കോഫി വിത്ത് കരൺ. ഇതിൻറെ ഏഴാം സീസണിൽ നടി സാമന്ത അതിഥി ആയി എത്തിയിരുന്നു. ആ എപ്പിസോഡിലെ കരൾ നടത്തിയ ചില പരാമർശം ആണ് നയൻതാര ആരാധകരെ ചൊടിപ്പിച്ചത്.

ദക്ഷിണേന്ത്യയിലെ ഏറ്റവും മികച്ച അഭിനേത്രി ആരാണ് എന്നാണ് സാമന്തയോട് കരൺ ചോദിച്ചത്. ഇതിന് നയൻതാര എന്ന പേരാണ് സാമന്ത ഉത്തരമായി നൽകിയത്. ഏറ്റവും ഒടുവിൽ കാത്തു വാക്കുല രണ്ടു കാതൽ എന്ന സിനിമയിൽ ഇരുവരും ഒരുമിച്ച് അഭിനയിച്ചിരുന്നു. എന്നാൽ ഉടൻതന്നെ അവർ തന്റെ ലിസ്റ്റിൽ ഇല്ല എന്ന രീതിയിൽ ഇദ്ദേഹം പ്രതികരിച്ചു. ഓർമാക്‌സ് മീഡിയ ലിസ്റ്റ് ചൂണ്ടിക്കാണിച്ചായിരുന്നു ഇദ്ദേഹം ഇങ്ങനെ പറഞ്ഞത്.

ഈ എപ്പിസോഡ് സംപ്രേഷണം ചെയ്തതിന് പിന്നാലെയാണ് കരണിനെതിരെ കടുത്ത വിമർശനമായി പ്രേക്ഷകർ രംഗത്തെത്തുന്നത്. നിങ്ങളുടെ ലിസ്റ്റിൽ അവർക്ക് ഇടം ആവശ്യമില്ല. കാരണം അവർ ലേഡീസ് സൂപ്പർസ്റ്റാർ ആണ് എന്ന് ഒരാൾ കമൻറ് ചെയ്തു. കരൺ ജോഹർ കമ്പനി നിർമ്മിക്കുന്ന ഏറ്റവും പുതിയ ചിത്രം ഗുഡ് ലക്ക് ജെറി നയൻതാര അഭിനയിച്ച സിനിമയുടെ റീമേക്കാണ് എന്ന് ആരാധകർ ചൂണ്ടിക്കാണിക്കുന്നുണ്ട്.

ഇതോടൊപ്പം തന്നെ തന്റെ ഇഷ്ടം നടിയായി നയൻതാരയെ പറഞ്ഞ സാമന്തയെ അഭിനന്ദിച്ചു നിരവധി പേർ ഇപ്പോൾ രംഗത്തെത്തുന്നുണ്ട്. ഷാരൂഖാൻ വിജയസേതുപതി എന്നിവർ ഒരുമിക്കുന്ന ജവാൻ എന്ന ചിത്രത്തിലാണ് നയൻതാര നായികയായി എത്തുന്നത്. ഈ ചിത്രം സംവിധാനം ചെയ്യുന്നത് അറ്റ്ലീ ആണ്.