ഞങ്ങളുടെ ഇളയ മോനാണ്, പക്ഷേ ബുദ്ധി ശരിക്കങ്ങ് വളർന്നിട്ടില്ല – പുതിയ വിശേഷങ്ങളുമായി ചക്കപഴത്തിലെ ലളിത കുഞ്ഞുണ്ണി

മലയാളികൾക്ക് ഏറെ പ്രിയപ്പെട്ട പരിപാടികളിൽ ഒന്നാണ് ചക്കപഴം. ഫ്ലവേഴ്സ് ടിവിയിൽ സംപ്രേക്ഷണം ചെയ്തു വരുന്ന പരിപാടിയാണ് ഇത്. ഒരു കാലത്ത് ഉപ്പും മുളകും എന്ന പരിപാടിക്ക് ലഭിച്ചിരുന്ന അതേ സ്വീകരണമാണ് ഇപ്പോൾ ചക്കപ്പഴം എന്ന് സീരിയലിനും ലഭിച്ചു കൊണ്ടിരിക്കുന്നത്. വളരെ സ്വാഭാവികമായ നർമ്മ മുഹൂർത്തങ്ങളിലൂടെ ആണ് പരിപാടി കടന്നുപോകുന്നത് എന്നതുകൊണ്ടാണ് ഇത്രയും മികച്ച സ്വീകരണം പ്രേക്ഷകരിൽ നിന്നും ലഭിക്കുന്നത്.

പരിപാടിയിൽ ഏറ്റവും ജനപ്രിയമായ കഥാപാത്രങ്ങളിലൊന്നാണ് ലളിതാ കുഞ്ഞുണ്ണി. സബിറ്റ ജോർജ് എന്ന കലാകാരി ആണ് ഈ കഥാപാത്രത്തെ അവതരിപ്പിക്കുന്നത്. വളരെ നല്ല അഭിപ്രായമാണ് ഈ കഥാപാത്രത്തിന് പ്രേക്ഷകരിൽ നിന്നും ലഭിച്ചു കൊണ്ടിരിക്കുന്നത്. ഇപ്പോൾ ഇവരുടെ ഏറ്റവും പുതിയ വിശേഷങ്ങളുമായി എത്തിയിരിക്കുകയാണ് സബിറ്റ. ഇൻസ്റ്റഗ്രാമിൽ ആണ് സബിറ്റ ഇവരുടെ ഏറ്റവും പുതിയ സീരിയൽ കുടുംബ വിശേഷങ്ങൾ പങ്കുവച്ചത്.

“ഞങ്ങളുടെ ഇളയ മോനാണ്. പക്ഷേ ബുദ്ധി ശരിക്ക് വളർന്നിട്ടില്ല” എന്ന ക്യാപ്ഷൻ ചേർത്തുകൊണ്ട് ആയിരുന്നു സബിറ്റ ചിത്രം പങ്കു വച്ചത്. ഇൻസ്റ്റഗ്രാമിൽ പങ്കുവച്ച ചിത്രം നിമിഷങ്ങൾക്കകം തന്നെ വൈറൽ ആവുകയും ചെയ്തു. റാഫി മുഹമ്മദ് എന്ന കലാകാരനാണ് സുമേഷ് എന്ന കഥാപാത്രത്തെ അവതരിപ്പിക്കുന്നത്. തുരുമ്പ് സുമേഷ് എന്നാണ് സീരിയലിൽ ഈ കഥാപാത്രം അറിയപ്പെടുന്നത്.

ടെലിവിഷനിൽ മാത്രമല്ല യൂട്യൂബിലും ഈ സീരിയൽ ഹിറ്റാണ്. ലക്ഷക്കണക്കിന് ആളുകളാണ് ഓരോ എപ്പിസോഡും ദിവസവും കാണുന്നത്. ആയിരക്കണക്കിന് കമൻറുകൾ ആണ് ഓരോ എപ്പിസോഡിനും താഴെ വന്നുകൊണ്ടിരിക്കുന്നത്. കഥാപാത്രങ്ങളുടെ സ്വാഭാവിക അഭിനയവും ഒട്ടും നാടകീയത നിറയാത്ത കഥാസന്ദർഭങ്ങളുമാണ് ഈ സീരിയലിന് ആരാധകർ കൂടുവാനുള്ള കാരണം.