സൂര്യയും സൂര്യയുടെ പ്രണയവും ഫേക്ക് ആണ്; ബിഗ് ബോസില്‍ നിന്നും പൊട്ടിത്തെറിച്ച് സജിന

ശക്തമായ മത്സരം ആണ് ബിഗ് ബോസില്‍ നടക്കുന്നത്. ഷോ അമ്പത് എപ്പിസോഡുകള്‍ പിന്നിടുമ്പോള്‍ മത്സരാര്‍ത്ഥികളെക്കുറിച്ച് ഷോയ്ക്ക് അകത്തും പുറത്തും ഉള്ളവര്‍ക്ക് ഏകദേശം ഒരു ധാരണ ആയിരിക്കുകയാണ്. പലരും ബിഗ് ബോസില്‍ പിടിച്ചുനില്‍ക്കാന്‍ തങ്ങളുടെ കഴിവിന്റെ പരമാവധി പുറത്തെടുക്കുന്നുണ്ട്. ഇതിനിടെ ചില അടിയും വഴക്കും നടന്നിരുന്നു. കഴിഞ്ഞ ദിവസവും മോര്‍ണിംഗ് ആക്ടിവിറ്റിക്കിടെ ചില വാക്കു തര്‍ക്കങ്ങള്‍ ഉണ്ടായിരുന്നു. സൂര്യയും സജിനയും തമ്മിലാണ് ഈ അടി നടന്നത്.

ഈ സീസണില്‍ ടൈറ്റില്‍ വിന്നര്‍ ആയില്ലെങ്കിലും പ്രേക്ഷക മനസുകളില്‍ സ്ഥാനം നേടി പുറത്തേക്ക് പോകുന്നവര്‍ ആരായിരിക്കും, തലകുനിച്ച് മടങ്ങേണ്ടവര്‍ ആരായിരിക്കും എന്ന് പറയാനായിരുന്നു ബിഗ് ബോസ് നല്‍കിയ നിര്‍ദ്ദേശം. ഇതില്‍ സജിന തന്നെ ആദ്യം കയറി വന്ന് സൂര്യയുടെ പേര് പറയുകയായിരുന്നു. തലക്കുനിക്കേണ്ടി വരുന്നത് സൂര്യയാണ് എന്ന തരത്തിലാണ് സജിന പറഞ്ഞത്. അതേസമയം നേട്ടമുണ്ടാക്കുന്ന ആളായി അടുത്ത സുഹൃത്തായ മണിക്കുട്ടന്റെ പേര് ആണ് സജിന പറഞ്ഞത്.

സൂര്യ ശരിക്കും ഇങ്ങനെ അല്ലെന്ന് സജിന പറയുന്നു. ഞങ്ങള്‍ക്ക് നേരത്തെ സൂര്യയെ പരിചയം ഉണ്ട്. അവിടെ നിന്നെല്ലാം കണ്ട സൂര്യ അല്ല ഇവിടെ ബിഗ് ബോസില്‍ ഉള്ളത്. ഒരു ഗെയിമ് എങ്ങനെ കളിക്കണം എന്ന് സൂര്യക്ക് നന്നായി അറിയാം. അതില്‍ വിജയിക്കാന്‍ സൂര്യ എന്തും ചെയ്യും, അതാണ് ഇപ്പോള്‍ സൂര്യ ചെയ്ത് കൊണ്ടിരിക്കുന്നത് സജിന പറയുന്നു.

മാത്രമല്ല സൂര്യ മോഡേണ്‍ ഡ്രസുകള്‍ ഇവിടെ ധരിക്കാത്തതിനെക്കുറിച്ചും സജിന പറഞ്ഞു. സൂര്യ മോഡേണ്‍ ഡ്രസുകള്‍ ഇവിടെ ധരിക്കാറില്ല , എന്നാല്‍ പുറത്ത് സൂര്യ അത്തരം വസ്ത്രങ്ങള്‍ ധരിക്കാറുണ്ട്. ഒരിക്കല്‍ ഇതേകുറിച്ച് ഞാന്‍ പറഞ്ഞപ്പോള്‍ ഇത് കുടുംബ പ്രേക്ഷകര്‍ കാണുന്ന ഷോയല്ലെ എന്നായിരുന്നു സൂര്യയുടെ മറുപടി.

ഇത് കേട്ടതിന് പിന്നാലെ സൂര്യ പൊട്ടിക്കരയുകയായിരുന്നു. താന്‍ നാടന്‍ ഡ്രസ് മാത്രമല്ല മോഡേണ്‍ ഡ്രസിട്ടും ഞാന്‍ ഇവിടെ ധരിച്ചിട്ടുണ്ടെന്ന് സൂര്യ പറഞ്ഞു. കുറച്ച് വൃത്തിയായിട്ട് നടക്കുക എന്നത് നമ്മുടെ കടമയാണെന്ന് സൂര്യ പറഞ്ഞു.