ബിഗ് ബോസില്‍ സൂര്യയും മണിക്കുട്ടനും ഒന്നിച്ച് ജയിലിലേക്ക്

അങ്ങനെ അടിക്കും പിടിക്കും ഇടെ കുഴല്‍പ്പന്തുകളിയും ബിഗ് ബോസ് വീട്ടില്‍ അവസാനിച്ചു. ടാസ്‌കിനിടെ ചില പൊട്ടിത്തെറികളും ഉണ്ടായിരുന്നു. ഇത്രയും നാള്‍ ശാന്തരായി നിന്ന പല മത്സരാര്‍ത്ഥികളുമാണ് ഇത്തവണ അടിയിലേര്‍പ്പെട്ടത്. ആദ്യം ഒറ്റക്കാണ് പന്ത് പിടിക്കേണ്ടിയിരുന്നുത്. ഇത് പിന്നീട് ഗ്രൂപ്പുകളായി മാറിയപ്പോള്‍ ആണ് വാക്കു തര്‍ക്കം ഉണ്ടായത്. ഇത് പിന്നാലെ കയ്യാങ്കളിയുടെ വക്കോളം എത്തിയിരുന്നു.

വീക്കിലി ടാസ്‌ക് അവസാനിച്ചതോടെ ഇനിയുള്ളത് ജയിലില്‍ നോമിനേഷനാണ്. മോശം പ്രകടനം കാഴ്ചവച്ച രണ്ടു പേരെയാണ് ജയിലിലേക്ക് അയക്കാനുള്ളത്. ഇതിനായുള്ള നോമിഷേന്‍ ഇന്ന് നടക്കും. പൊതുവെ ജയില്‍ നോമിനേഷന്‍ അത്ര സുഖമുള്ളൊരു ഏര്‍പ്പാടല്ല. ചിലപ്പോള്‍ തന്റേത് മോശം പ്രകടനമായിരുന്നുവെന്ന് അംഗീകരിക്കാന്‍ കൂട്ടാക്കാത്ത മത്സരാര്‍ത്ഥികളേയും കണ്ടിട്ടുണ്ട്.

ഇപ്പോള്‍ പുറത്തുവന്ന വീഡിയോയില്‍ നിന്നാണ് ജയില്‍ നോമിനേഷനെക്കുറിച്ച് അറിയുന്നത്. ഇത്തവണ ആരെക്കെയാണ് ജയിലിലേക്ക് പോവുക എന്നാണ് പ്രേക്ഷകരും നോക്കുന്നത്. ഇതിനിടെ ചിലര്‍ പരസ്പരം പേരുകള്‍ വിളിച്ച് പറയുന്നുണ്ട്. മണിക്കുട്ടന്റെ പേരാണ് നോബി പറയുന്നത്. ഒരു തമാശ രൂപത്തിലാണ് ഈ പേര് വിളിച്ച് പറയുന്നത്.

പിന്നാലെ സൂര്യയും ജയിലിലേക്ക് പോവുന്നതിന്റെ സൂചന ഉണ്ട്. അതേസമയം മണിക്കുട്ടന്റെ പേര് കേട്ട സൂര്യ നമ്മള്‍ രണ്ടു പേരും ഒരുമിച്ചേ അതിനകത്തേക്ക് പോകൂ എന്നും പറയുന്നുണ്ട്. ഇത് കേട്ടപ്പോഴുള്ള മണിക്കുട്ടന്റെ മുഖം ഒന്ന് കാണേണ്ടത് തന്നെ.

ഇതിനിടെ നോബിയും റംസാനും സ്വയം തന്നെ പേരുകള്‍ നോമിനേറ്റ് ചെയ്തു. തങ്ങളെ രണ്ടുപേരെയും ജയിലിലേക്ക് വിടണുമെന്ന് ഇവര്‍ ബിഗ്‌ബോസിനോട് അഭ്യര്‍ത്ഥിക്കുകയായിരുന്നു. ഇപ്പോള്‍ ആരായിരിക്കും ജയിലിലേക്ക് പോവുക എന്നാണ് പ്രേക്ഷകര്‍ നോക്കുന്നത്.