ഈ പ്രാവശ്യം ബിഗ് ബോസ് കലക്കും, മത്സരാർത്ഥികളുടെ പേരുകൾ പുറത്തുവിട്ട് ടൈംസ് ഓഫ് ഇന്ത്യ

2018ലാണ് ബിഗ് ബോസ് സീസൺ വൺ ഏഷ്യാനെറ്റിൽ സംപ്രേക്ഷണം ചെയ്യപ്പെടുന്നത്. ആദ്യ സീസൺ വിജയമായതോടെ 2020 ജനുവരിയിൽ രണ്ടാമത്തെ സീസൺ വന്നു. കോവിടു കാരണം ഇടയ്ക്കുവെച്ച് സംപ്രേക്ഷണം നിർത്തേണ്ടി വന്നെങ്കിലും വൻ ജനപ്രീതിയാണ് ബിഗ് ബോസിന് രണ്ടാം സീസണ്ലൂടെ കൈവരിക്കാനായത്. ഇപ്പോഴിതാ മൂന്നാം സീസൺ വാർത്തകൾ ചൂടുപിടിക്കുകയാണ്.

മൂന്നാം സീസൺ അവതാരകനായി മോഹൻലാൽ വീണ്ടും എത്തും എന്ന് അറിയിച്ചു കഴിഞ്ഞിരുന്നു. ആരായിരിക്കും പുതിയ മത്സരാർത്ഥികൾ എന്ന ചർച്ചകൾ സോഷ്യൽ മീഡിയയിൽ ഇപ്പോൾ സജീവമാണ്. ഒട്ടേറെ പേരുടെ പേരുകൾ ആരാധകർ മുന്നോട്ടുവെക്കുന്നുണ്ട്. അതിനിടയിലാണ് ഇപ്പോഴത്തെ ട്വിസ്റ്റ്.

ഇപ്പോഴിതാ ടൈംസ് ഓഫ് ഇന്ത്യ മത്സരാർത്ഥികളുടെ സാധ്യതാപട്ടികയുമായി വന്നിരിക്കുകയാണ്. പത്തു പേരുകളാണ് പട്ടികയിലുള്ളത്. സമൂഹത്തിൻ്റേ വ്യത്യസ്തമായ കോണുകളിൽ നിന്നുള്ളവരാണ് ഈ പത്തു പേരും എന്നതാണ് പട്ടികയുടെ പ്രത്യേകത. എന്തായാലും പട്ടികയും കൂടി പുറത്തുവന്നതോടെ ആരാധകർ ആവേശത്തിലാണ്.

പ്രമുഖ വ്യവസായിയും ഇപ്പോൾ സാമൂഹ്യ മാധ്യമങ്ങളിൽ നിറഞ്ഞു നിൽക്കുന്ന ആളുമായ ബോബി ചെമ്മണ്ണൂരിൻ്റെതാണ് പട്ടികയിലെ പ്രധാനപ്പെട്ട പേര്. പ്രമുഖ നടിയായ അഹാന, ഡബ്ബിംഗ് ആർട്ടിസ്റ്റ് ഭാഗ്യലക്ഷ്മി, കോമഡി കലാകാരൻ നോബി മാർക്കോസ്, ഗായികയായ ആര്യ ദയാൽ, അവതാരകയായ സുബി സുരേഷ്, നർത്തകനായ റംസാൻ മുഹമ്മദ്, ട്രാൻസ്ജെൻഡർ മോഡലും ആക്ടിവിസ്റ്റുമായ ദീപ്തി കല്യാണി, ടിക് ടോക് ഫെയിം ഹെലൻ ഓഫ് സ്പാർട്ട എന്ന ധന്യ രാജേഷ്, സാമൂഹ്യ പ്രവർത്തകനായ കിടിലം ഫിറോസ് എന്നിവർ ഉൾപ്പെട്ടതാണ് ഈ സാധ്യത പട്ടിക. സീസൺ 3 ഫെബ്രുവരി പതിനാലിന് സംപ്രേക്ഷണം തുടങ്ങുമെന്നാണ് അറിയുന്നത്. എന്തുതന്നെയായാലും ഷോയുടെ മൂന്നാം സീസൺ പൊടിപാറും എന്ന് ഉറപ്പാണ്.