സുഹാനയ്ക്ക് സര്‍പ്രൈസ് ഗിഫ്റ്റ് നല്‍കി ബഷീര്‍ ബഷി, വീഡിയോ വൈറല്‍

സോഷ്യല്‍ മീഡിയയില്‍ സജീവമായ താര കുടുംബമാണ് ബഷീര്‍ ബഷിയുടെത്. ഈ കുടുംബം പങ്കിടുന്ന വീഡിയോയ്ക്ക് എല്ലാം കാഴ്ചക്കാര്‍ ഏറെയാണ്. തുടക്കത്തില്‍ ധാരാളം വിമര്‍ശനങ്ങള്‍ കേള്‍ക്കേണ്ടി വന്നിട്ടുണ്ടെങ്കിലും പിന്നീട് അടുത്തറിഞ്ഞപ്പോള്‍ ആരാധകര്‍ ഏറെയാവുകയായിരുന്നു ഇവര്‍ക്ക്. ഇപ്പോള്‍ സുഹാനയ്ക്ക സര്‍പ്രൈസ് ഗിഫ്റ്റ് നല്‍കിയതിനെക്കുറിച്ച് പറഞ്ഞുകൊണ്ട് താരങ്ങള്‍ പങ്കുവെച്ച വീഡിയോ ആണ് വൈറലാകുന്നത് .

മഷൂറയും സുഹാനയും മക്കളും ഹോട്ടലിനകത്തേക്ക് കയറിയപ്പോഴായിരുന്നു ബഷീറിന്റെ വരവ്. സോനുവിനൊരു സര്‍പ്രൈസുണ്ടെന്ന് പറഞ്ഞ് രണ്ട് ബോക്സ് നല്‍കുകയായിരുന്നു ബഷീര്‍. എന്തെങ്കിലും സാധനമെടുത്ത് ബോക്സിലാക്കി കൊണ്ടുവന്നിരിക്കുകയാണോ രണ്ടുപേരുമെന്നായിരുന്നു സുഹാന ചോദിച്ചത്. സംശയത്തോടെയായിരുന്നു ബോക്സ് തുറന്നത്.

ഒരുപാട് സാധനങ്ങള്‍ മേടിക്കാനുണ്ട്. ലിസ്റ്റിലെ ഒരു ഐറ്റം കുറഞ്ഞെന്നായിരുന്നു സുഹാനയുടെ കമന്റ്. മനോഹരമായ മേക്കപ്പ് കിറ്റായിരുന്നു മഷൂറയും ബഷീറും സുഹാനയ്ക്ക് സമ്മാനിച്ചത്. സോനുവിന് ഇഷ്ടപ്പെട്ടതെല്ലാം ഇതിലുണ്ടെന്നും ഇതുവെച്ച് ഞങ്ങളിനിയൊരു കലക്ക് കലക്കുമെന്നും ഇരുവരും പറയുന്നുണ്ടായിരുന്നു. വീട്ടിലെത്തിയ ഉടനെ സോനു മേക്കപ്പ് പരീക്ഷണം നടത്തിയിരുന്നു.